धनुषा चेम्बर अफ कमर्सको प्रथम वार्षिक उत्सव सम्पन्न

२ मंसिर धनुषा । चेम्बर अफ कमर्सको प्रथम वार्षिक उत्सव तथा दोश्रो साधारण सभा प्रदेश नम्बर दुईका प्रमुख तिलक परियारले जनकपुरमा एक समारोहविच उद्घाटन गरेका छन् ।

विशेष अतिथिको आसन ग्रहण गर्दै नेपाल चेम्बर अफ कमर्सका वरिष्ठ उपाध्यक्ष राजेन्द्र मल्लले जानकी माताको जन्मभुमिमा रामायण सर्किटको अवधारणा कार्यान्वयन भएमा र निर्माणाधिन रेल मार्ग छिटो संचालनमा ल्याउन सके धार्मिक पर्यटनमा वृद्धि हुन जाने बताए ।

कार्यक्रममा बोल्दै उनले दुई नम्बर प्रदेश कृषिका लागि उर्वर भुमि भएकाले अर्गानिक खेतीमा जोड गरी ठुलो संख्यामा बिदेशमा गएकाहरुको ज्ञान सिप र श्रमलाई यहि उपयोग गर्ने वातावरण वनाउनु पर्ने बताए । कार्यक्रममा प्रदेशका विभिन्न बिधामा उल्लेखनिय कार्य गर्ने महानुभावहरुलाई सम्मान गरिएको थियो ।

उक्त अवसरमा प्रमुख जिल्ला अधिकारी प्रदिप राज कडेल लगायत बिभिन्न महानुमावहरुले शुभकामना मन्तव्य दिएका छन् । कार्यक्रम धनुषा चेम्बर अफ कमर्सका अध्यक्ष विजय साहको अध्यक्षतामा सम्पन्न भएको थियो ।