प्रधानमन्त्री ओलीद्वारा आभार प्रकट

१२ मंसिर काठमाडौं । प्रधानमन्त्री केपी शर्मा ओलीले आफूलाई स्वास्थ लाभको कामना गर्नेप्रति आभार व्यक्त गरेका छन् । विहीवार विहानैदेखि प्रधानमन्त्री ओली सामाजिक सञ्जालमार्फत शुभेच्छुकलाई धन्यवाद ज्ञापन गर्न सक्ने भएका हुन् ।

हिजैदेखि प्रधानमन्त्री ओलीको स्वास्थमा उल्लेख्य सुधार भएको त्रिभुवन विश्वविद्यालय शिक्षण अस्पताल महाराजगञ्जले जनाएको हो । आज बिहानै प्रधानमन्त्रीज्यूले सामाजिक सञ्जालको प्रयोग गरी शुभेच्छुकप्रति आभार प्रकट गरेको जानकारी प्रधानमन्त्रीका प्रेस सल्लाहकार सूर्य थापाले बताएका छन् ।

सोमबार विहान अचानक प्रधानमन्त्रीको पेटमा असैह्य पीडा भएपछि एपेन्टिसाइटिसको शल्यक्रिया गरिएको हो । २४ घण्टा भेण्टिलेटरमा राखी उपचार गरिएका ओलीको अवस्था विस्तारै सामान्य हुँदै गएको छ । प्रधानमन्त्रीको स्वास्थ अवस्था हेरेर मात्रै घर पठाइने चिकित्सकहरुले बताएका छन् ।