गद्दी बैठकको व्यवस्थापन : गृह र पर्यटन मन्त्रालयबीच पाँचबुँदे समझदारी
नेपालबहस संवाददाता
मंसिर १७, २०७६ बुधबार २:३:१३
१७ मंसिर काठमाडौं । हनुमानढोका गद्दी बैठकमा रहेको आवश्यक सामग्रीको संरक्षण, प्रवद्र्धनलगायत कार्य अब संस्कृति, पर्यटन तथा नागरिक उड्डयन मन्त्रालयले गर्ने भएको छ ।
गद्दी बैठकमा रहेका जिन्सी सामग्री हस्तान्तरण, सञ्चालन एवं व्यवस्थापनका सम्बन्धमा आज गृह मन्त्रालयसँग भएको समझदारीअनुसार यहाँ रहेका सामग्रीको संरक्षण र प्रवद्र्धन कार्य संस्कृति, पर्यटन तथा नागरिक उड्डयन मन्त्रालयलाई हस्तान्तरण गरिएको हो ।
दुई मन्त्रालयबीच भएको समझदारीअनुसार गद्दी बैठक र सम्बद्ध सामाजिक, सांस्कृतिक, धार्मिक एवं ऐतिहासिक, पुरातात्विक र कलात्मक महत्वका सबै वस्तु तथा सामग्रीको पूर्ण संरक्षण हुने र स्वरूप तथा गुणस्तरमा अनाधिकृत परिवर्तन हुन नपाउने कुराको प्रत्याभूति संस्कृति, पर्यटन तथा नागरिक उड्डयन मन्त्रालय र अन्तर्गत निकायबाट हुनेछ । यसअघि यहाँको व्यवस्थापन गृहमन्त्रालयले गर्दै आएको थियो ।
आज भएको पाँचबुँदे समझदारीमा इन्द्रजात्रा पर्वको मूल सांस्कृतिक तथा धार्मिक समारोहको समयमा हनुमानढोका गद्दी बैठकमा रहेको स्थानको प्रयोग तथा उपयोग गृह मन्त्रालयको व्यवस्थापनमा हुने तथा यहाँ रहेको भवन, गद्दी बैठक सभाहल, बरण्डा र वरपरको सरसफाइ, रङरोगन, बारबन्देज, हेरचाह र सुरक्षाको जिम्मेवारी हनुमानढोका दरबार हेरचाह अड्डाबाट गरिने उल्लेख छ । साविकमा गद्दी बैठकको सरसफाइ तथा हेरचाहका लागि वसन्तपुर दरबारमा रहेको गृह मन्त्रालयको निकाय समारोह प्रबन्ध फाँटको काममात्र गृह मन्त्रालयले हेर्नेछ ।
यस्तै इन्द्रजात्रा पर्वको समयमा गृह मन्त्रालयको समारोह प्रबन्ध फाँट, हनुमानढोका दरबार हेरचाह अड्डा, काठमाडौँ महानगरपालिका, गुठी संस्थान आदि निकायबाट परम्परागतरूपमा उपलब्ध गराइँदै आएका तथा गराउन आवश्यक फर्निचर, फर्निसिङलगायतका भौतिक सामग्रीको प्रबन्ध काठमाडौँ महानगरपालिका, गुठी संस्थानलगायत निकायको सहयोग तथा समन्वयमा हनुमानढोका दरबार हेरचाह अड्डाले मिलाउने समझदारीपत्रमा उल्लेख छ ।
गृहमन्त्री रामबहादुर थापाको उपस्थितिमा भएको समझदारीपत्रमा पर्यटन मन्त्रालयका सचिव केदारबहादुर अधिकारी र गृहसचिव प्रेमकुमार राईले हस्ताक्षर गरेका छन् ।
सो क्रममा गृहमन्त्री थापाले पुरातात्विक तथा ऐतिहासिक क्षेत्र वसन्तपुरको संरक्षण र व्यवस्थापनका लागि भएको समझदारी महत्वपूर्ण रहेको उल्लेख गर्दै यसले भ्रमण वर्ष २०२० मा थप पर्यटक भित्र्याउन सहयोग पुग्ने विश्वास व्यक्त गरे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रधानमन्त्रीको निर्णय कुर्दै कांग्रेस स्थगित गर्यो संसदीय दलको बैठक
बैशाख ३१, २०८१ सोमबार
विश्वासको मत लिने तयारी मुख्यमन्त्री सोडारी
बैशाख ३१, २०८१ सोमबार
जसपा नेपालको केन्द्रीय समिति बैठक बस्दै
बैशाख ३१, २०८१ सोमबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
सुँगुरको मिर्गौला प्रत्यारोपण गरिएका रिचर्डको निधन
बैशाख ३१, २०८१ सोमबार
प्रधानमन्त्रीको निर्णय कुर्दै कांग्रेस स्थगित गर्यो संसदीय दलको बैठक
बैशाख ३१, २०८१ सोमबार
विश्वासको मत लिने तयारी मुख्यमन्त्री सोडारी
बैशाख ३१, २०८१ सोमबार
त्रिभुवन विमानस्थबाट भन्सार चेक भैसकेपछि समातियो ५ केजी सुन
बैशाख ३१, २०८१ सोमबार
जसपा नेपालको केन्द्रीय समिति बैठक बस्दै
बैशाख ३१, २०८१ सोमबार
ललितपुर आगलागीका घाइते महिलाको पनि मृत्यु, मृतकको संख्या ३ पुग्यो
बैशाख ३१, २०८१ सोमबार