महिलामाथि हुने हिंसामा संलग्नलाई दिईने दण्ड कडा हुनुपर्छ

२४ मंसिर काठमाडौं । नेपाली कांग्रेसका सभापति शेरबहादुर देउवाले मुलुकमा महिला हिंसा बढेको भन्दै सबै मिलेर महिला हिंसा अन्त्य गर्न तत्पर हुनुपर्ने बताएका छन् ।

कांग्रेस केन्द्रीय नीति, अनुसन्धान तथा प्रशिक्षण प्रतिष्ठानले मंगलबार काठमाडौंमा आयोजना गरेको महिला विरुद्धको हिंसा विषयक विचार गोष्ठीको उद्घाटन गर्दै सभापति देउवाले यस्तो बताएका हुन् । उनले महिलामाथि हुने हिंसामा संलग्नलाई दिईने दण्ड कडा बनाउनुपर्ने जिकिर गरेका छन् ।

त्यस्तै सभापति देउवाले हिंसालाई न्युनिकरण गर्न जनचेतनाको कमी हुन नदिने गरि अभियान चलाउनुपर्ने जिकिर पनि गरे । कार्यक्रममा महिला नेतृहरुले मुलुकमा महिला हिंसा बढ्दै गएको भन्दै चिन्ता व्यक्त गरेका थिए ।