सेञ्चुरी बैंकको नयाँ बचत खाता ‘सेञ्चुरी सेभिङ्स प्लस खाता’

२ पुष, काठमाडौं । सेञ्चुरी कमर्सियल बैंकले आफ्ना ग्राहकवर्गको मागलाई ध्यानमा राख्दै नयाँ बचत खाता ‘सेञ्चुरी सेभिङ्स प्लस खाता’ को शुभारम्भ गरेको छ ।

न्यूनतम पचास हजार मौज्दात भएको सो खातामा वार्षिक ६.५% को दरले त्रैमासिक रुपमा ब्याज भुतmानी गरिने बैंकले जनाएको छ । रु. १० लाखसम्मको प्राणघातक रोग-दुर्घटना-दीर्घकालीन अशक्तताको बीमा आईएमई जनरल ईन्स्योरेन्स कम्पनी लि.बाट गर्ने व्यवस्था मिलाएको छ ।

सो खातावालाहरुले नेपालका अन्य कुनै बैंकको ATM बाट पैसा निकाल्दा शुल्क लाग्ने छैन । साथै निशुल्क लकर सेवा, आकर्षक डिजिटल बैंकिङ्ग र कर्जा सुविधामा विशेष छुट समेत दिइनेछ । उक्त खाताको शुभारम्भ बैंकका प्रमुख कार्यकारी अधिकृत तुलसीराम गौतमद्धारा सम्पन्न भएको छ । साथै सो कार्यक्रममा बैंकका उच्च पदाधिकारीहरुको समेत उपस्थिती रहेको थियो ।

बैंकले काठमाडौं उपत्यकामा १३ शाखाहरु र ७ वटा एक्स्टेन्सन काउन्टर र उपत्यका बाहिर १०० शाखाहरु र ३ वटा एक्स्टेन्सन काउन्टर साथै १५ वटा शाखारहित बैंकिङ्ग गरी जम्मा १३८ स्थानबाट कारोबार सञ्चालन गरिरहेको छ ।

अन्य जानकारीका लागि बैकको वेबसाइट www.centurybank.com.np तथा बैकका शाखा कार्यालयहरुमा सम्पर्क राख्न अनुरोध गरिन्छ ।