कारोवार रकममा किन आयो बृद्धि, प्राविधिक विश्लेषणले के देखाउँछ ?

३ पुष, काठमाडाैं । एनएमबी बैंकको लाभांश प्रयोजनका लागि शेयर किन्ने आज अन्तिम दिन भएकाले आज बैंकको १२ करोड माथिको शेयर किनबेच भएको छ । कारोवार रकम वृद्धि हुँदै ४१ करोड ९० लाख पुगेको छ ।

साताको अन्तिम कारोवार दिन नेप्से परिसूचक २ दशमलव ४२ अंकले घटेर ११४९ दशमलव ६४ को विन्दुमा दोश्रो बजार बन्द भएको छ । आज १७२ कम्पनीका १२ लाख ८९ हजार कित्ता शेयर खरिदबिक्री भएको छ ।

आज ट्रेडिङ्ग र उत्पादनमुलक कम्पनीहरुको उपसुचक बाहेक कुनै पनि उपसुचकमा १ प्रतिशत माथिको वृद्धि देखिएन ।आज उत्पादन मुलक कम्पनीहरुको उपसुचक सर्वाधिक १ दशमलव ८८ प्रतिशतको वृद्धि देखिएको छ ।

वाणिज्य बैंकहरुको उपसुचकमा आज शुन्य दशमलव १९ प्रतिशतको गिरावट देखिएको छ । आज ट्रेडिङ्ग, होटल, हाइड्रोपावर, फाइनान्स, म्युचअल फण्ड र उत्पादन मुलक कम्पनीहरुको उपसुचकमा मात्र वृद्धि देखिएको छ ।

आज निर्जीवन बीमा कम्पनीहरुको उपसुचकमा सर्वाधिक ० दशमलव ८ प्रतिशतको गिरावट देखिएको छ ।

आज शेयरबजारको न्यून विन्दु ११४८ दशमलव ३६ थियो । बजारले न्यून विन्दु २ बजेर १८ मिनेटमा समातेको थियो । बजारले ११ बजेर २५ मिनेटमा ११५४ दशमलव २८ को उच्च विन्दु समातेको थियो । उच्च विन्दु समातेबाट नै बजारले माथिल्ल्लो दिशा समात्न सकेको थिएन । बजारमा बिक्री चाप नै रहेको प्रस्ट देख्न सकिन्छ ।

नेपाल फाईनान्सकाका शेयरधनीले सर्वाधिक ९ दशमलव ४० प्रतिशतले कमाए भने दोश्रोमा शिवम सिमेण्ट्सका शेयरधनीले ६ दशमलव ७६ प्रतिशतले कमाए ।

हेरौं सर्वाधिक कमाउने ५ कम्पनी:

सर्वाधिक गुमाउनेको सुचीमा सबैभन्दा माथि दिब्यश्वोरी हाईड्रोपाव्रर रहेको छ । दिब्यश्वोरी हाईड्रोपावरको बजार मूल्य ६ दशमलव ७७ प्रतिशतले घटेको छ ।

हेरौं सर्वाधिक गुमाउने ५ कम्पनी:

आज पनि एनएमबी बैंकको शेयर सर्वाधिक खरिदबिक्री भएको छ । एनएमबी बैंकको १२ करोड ३१ लाखको शेयर खरिदबिक्री भएको छ । आज ६ वटा कम्पनीको मात्र १ करोड माथिको शेयर खरिदबिक्री भएको छ । १ करोड माथि कारोवार हुने कम्पनीमा एनएमबी बैंक, प्राईम कमर्सियल बैंक, नेपाल बैंक, नेपाल लाईफ इन्स्योरेन्स, शिवम सिमेण्ट्स र नबिल बैंक रहेका छन् ।

प्राविधिक विश्लेषण:

पहिलो प्रतिरोध : ११५५ पहिलो टेवा : ११४८

• आज नेप्सेमा उतारचढाव कम रहे पनि अघिल्लो कारोबार दिनभन्दा आजको कारोबार बढेको छ ।
• आजको मैनबत्ती बिश्लेषण अनुसार बजारमा मागभन्दा आपूर्ती केहि बढेको छ ।
• दैनिकी अवधिमा “आरएसआई” ५५ दशमलब ४५ को बिन्दुमा छ । आरएसआई अक्सिलेटर हाल तटस्थ क्षेत्र भन्दा माथि रहेको छ ।
• “एडिएक्स” तथा जोड र बिजोड “डाइरेक्सनल इन्डेक्स” हरुले आपूर्ती बढीरहेको संकेत गरेको छ ।
• “अन ब्यालेन्स भल्यूम” ले बजारमा विक्रेता बढेको संकेत गरेको छ ।
• नेप्से बढेमा पहिलो प्रतिरोध ११५५ मा पाउने देखिन्छ र घटेमा पहिलो टेवा ११४८ को क्षेत्रमा पाउने देखिन्छ ।