पेप्सीले करिब २ अर्ब राजश्व छलेको आरोप, सञ्चालक गुप्तासहित छ जनालाई तीन वर्ष कैद माग
नेपालबहस संवाददाता
पुस ३, २०७६ शुक्रबार ०:५७:४२
३ पुष, काठमाडौं । चिसो पेयपर्दाथ पेप्सी उत्पादन गर्ने बहुराष्ट्रिय कम्पनी बरुण वेभरेज प्रालि विरुद्ध राजस्व अनुसन्धान विभागले अरर्बौ राजस्व छलेको भन्दै मुद्दा दायर गरेको छ ।
पछिल्लो समय निकै सक्रिय बनेको विभागले नक्कली भ्याट बिल र आयकर छली गरेको भन्दै एक अर्ब ९४ करोडको माग दावी गरि मुद्दा दायर गरेको हो । यो मुद्दा नक्कली भ्याट बिल र कर छलीमा अहिलेसम्मकै ठूलो मुद्दा हो । विभागले अनुसन्धान गर्दा नक्कली भ्याट बिलमार्फत ६४ करोड ९६ लाख रुपैयाँ राजस्व छली गरेको भेटिएको थियो ।
विभागले बिहीबार पत्रकार सम्मेलन गर्दै महानिर्देशक दीर्घराज मैनालीले राजस्व ठगीको मुद्दा दायर गरेको जानकारी दिएका हुन् । विभागले कम्पनीका सञ्चालकहरु अमित गुप्ता, रविकान्त जयपुरिया, रोहित कोहली, प्रविनकुमार अग्रवाल, विनोद सिंह भनिने विनोदकुमार सिंह र अशोक कुमारलाई विपक्षी बनाई मुद्दा दायर गरेको छ । उनीहरुबाट यो रकम असुलसहित विगो, जरिवाना र तीन बर्ष कैदको माग गरिएको छ ।
विभागले ६४ करोड ९६ लाख रुपैयाँको विगो दावी गरेको छ । विगोको र यसको दोब्बर जरिवाना १ अर्ब २९ करोड ९२ लाख गरी कुल १ अर्ब ९४ करोड ८८ लाख रुपैयाँ दावी गर्दै मुद्दा दायर भएको छ ।
बरुण वेभरेजले झुटो कारोबार मनसाय राखी नक्कली बिजक तयार पार्ने ब्यक्तिसँग मिलेर वास्तविक रुपमा मालबस्तु नै खरिद नगरी झुटो तथा नक्कली कर बिजक तयार पार्ने प्रयोजनका लागि योजनाबद्ध रुपमा दर्ता गरिएका फर्महरुबाट जारी गरेका बिजक खरिद गरेर राजस्व छलेको विभागको आरोप छ ।
बरुण वेभरेज प्रालि र यसका पूर्व तथा वर्तमान संचालकहरुबाट विभागले एक अर्ब ६० करोडको बैंक जमानत लिएर सञ्चालकहरुलाई छाडेको छ । विभागले गरेको अनुसन्धानबाट वरुण वेभरेजले आर्थिक वर्ष २०७०/०७१ देखि २०७५/०७६ सम्ममा झुटो मूल्य अभिवृद्धि करको कारोबारबाट भ्याट करतर्फ २५ करोड ३४ लाख र आयकरतर्फ लाभांश समेत गरी ३९ करोड ६१ लाख गरी कूल ६४ करोड ९६ लाख राजस्व छली गरेको देखिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनिजी क्षेत्रको मनोबल उकास्न सरकारले महत्वपूर्ण निर्णय गर्छ : अर्थमन्त्री पुन
बैशाख १३, २०८१ बिहिबार
बजेटबारे अर्थमन्त्रीलाई ७ पूर्वअर्थमन्त्रीको सुझाव, पपुष्लिट नभई यथार्थपरक बजेट ल्याउनुस्
बैशाख १३, २०८१ बिहिबार
लगानीको वातावरण बनाउन सरकारी नीतिले निरन्तरता पाउँछ : अर्थमन्त्री पुन
बैशाख १०, २०८१ सोमबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
आईपीएलमा हैदरावादमाथि आरसिबीको जित
बैशाख १४, २०८१ शुक्रबार
जसपा केन्द्रीय कार्यकारिणी समितिको बैठक बस्दै
बैशाख १४, २०८१ शुक्रबार
आजको मौसमः यी चार प्रदेशमा पानी पर्ने
बैशाख १४, २०८१ शुक्रबार
यस्तो छ तपाइको आजको राशिफल
बैशाख १४, २०८१ शुक्रबार
कक्षा १२ को परीक्षा आजदेखि सुरु, तीन लाख ९० हजार आठ सय ४७ परीक्षार्थी सहभागी हुँदै
बैशाख १४, २०८१ शुक्रबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार