कांग्रेसमा विवाद मिलाउन दुबै पक्षबीच वार्ता जारी

६ पुस काठमाडौं । प्रमुख प्रतिपक्षी दल नेपाली कांग्रेस भित्रको विवादको गाँठो फुकाउन दोस्रो तहका नेताहरु फेरि सक्रिय भएका छन् । पूर्व महामन्त्री प्रकाशमान सिंहको चाक्सीबारीस्थित घरमा अहिले संस्थापन र असन्तुष्ट पक्षका नेताहरु छलफल गरिरहेका छन् ।

संस्थापन पक्षबाट उपसभापति बिमलेन्द्र निधि सहभागी छन् भने असन्तुष्ट पक्षबाट सिंहका साथै दिलेन्द्रप्रसाद बडू र हृदयराम थानी रहेका छन् । स्थगित केन्द्रीय कार्यसमिति बैठक पर्सि पुस १० गतेसम्मका लागि स्थगित छ । खासगरी बैठकमा आगामी चौधौं महाधिवेशनको कार्यतालिका प्रस्तुत गर्नुपर्ने माग असन्तुष्ट पक्षको रहेको छ ।

लामो समय यो मुद्धामा असहमत रहेको संस्थापन पक्ष अब भने ल्याउन तयार भएको संकेत मिलेको छ । यस्तै अर्काे विवादका रुपमा रहेको विभागको संख्या २७ बाट बढाएर ४१ पु¥याउने विषयमा असन्तुष्ट पक्षले सहमति जनाउने बुझिएको छ ।

तर केही भातृ संस्थाको नेतृत्वका विषयमा भने दुबै पक्षबीच सहमति बनिसकेको छैन । नेपाल तरुण दल र नेपाल विद्यार्थी संघको नेतृत्व प्राप्त गर्ने सन्दर्भमा असहमति कायमै रहेकाले असन्तुष्ट पक्षले कार्यसमिति वैठक बहिष्कार गर्दै आएको छ ।