“शितलहरबाट बचौं र बचाऔं”

८ पुस बर्दिया । समुदाय-प्रहरी साझेदारी कार्यक्रम अन्तर्गत “शितलहरबाट बचौं र बचाऔं” भन्ने बिषयमा जिल्लास्थित विभिन्न स्थानमा जनचेतनामूलक कार्यक्रम आइतबार सम्पन्न भएको छ ।

जिल्ला प्रहरी कार्यालय बर्दिया सामुदायिक सेवा केन्द्रको आयोजनामा उक्त कार्यक्रम राजापुर नगरपालिका-९ गोडियाना, मधुवन नगरपालिका-६, ठाकुरबाबा नगरपालिका-१ भुरिगाउँबजार, बाँसगढी नगरपालिका-३ भग्रा चौकमा, बारबर्दिया नगरपालिका-५ जघदहवामा र गुलरिया नगरपालिका-१० मा सम्पन्न भएको थियो ।

कार्यक्रममा चिसो मौसमबाट प्रभावित हुनबाट जोगिनको लागि शितलहरबाट बचौं र बचाऔं भन्ने बिषयमा अडियो समेत सुनाइएको थियो । सो अवसरमा स्थानीय प्रतिनिधिहरु, समुदाय प्रहरी वडा समितिका पदाधिकारिहरु, स्थानीय समाजसेवी, नागरिक समाज लगायतको उपस्थिति रहेको थियो ।