एनसीसी बैंकले घटायो खराब कर्जा, ब्याज आम्दानीमा बृद्धि गर्दै १५ प्रतिशत बोनस शेयरको प्रस्ताव
आर्थिक संवाददाता
पुस १४, २०७६ मंगलबार ०:२०:३
१४ पुष, काठमाडाैं । नेपाल क्रेडिट एण्ड कमर्स बैंक लि.(एनसीसी बैंक) को संचालक समितिले १५ प्रतिशत बोनस शेयर र कर प्रयोजनका लागि ० दशमलव ७८ प्रतिशत नगद लाभांश प्रस्ताव गरेको छ । प्रस्तावित लाभांश नेपाल राष्ट्र बैंकको स्वीकृति र कम्पनीको आगामी साधारण सभाले पारित गरेपछि लगानीकर्ताले प्राप्त गर्नेछन् ।
कम्पनीको बजार मूल्य २०२ लाई आधार मान्दा कम्पनीको लाभांशमा प्रतिफल ७ दशमलव ८१ प्रतिशत हुन आउँछ । अहिलेको बजार मूल्यलाई लाभांशसँग दाज्दा प्रतिफल निकै राम्रो देखिन्छ ।
कम्पनीको लाभांशको इतिहास:
नेपाल क्रेडिट एण्ड कमर्सले आर्थिक वर्ष ०७५/७६ को मुनाफाबाट १५ प्रतिशत बोनस शेयर र ० दशमलव ७८ प्रतिशत नगद लाभांश प्रस्ताव गरेको छ । आर्थिक वर्ष ०७४/७५ मा कम्पनीले १५ दशमलव ८९ प्रतिशत बोनस शेयर र शुन्य दशमलव ८३ प्रतिशत नगद लाभांश प्रदान गरेको थियो ।
विगत ५ वर्षको लाभांश ईतिहास हेर्दा कम्पनीले बोनस शेयरलाई नै प्राथमिकतामा राखेको देखिन्छ ।
हेरौं कम्पनीको ५ वर्षको लाभांशको ईतिहास:
चुक्ता पुँजीको अवस्था के ?
कम्पनीको प्रकाशित प्रथम त्रैमासको रिपोर्टमा कम्पनीमा ८ अर्ब १३ करोड पुँजी देखिन्छ । कम्पनीले प्रस्ताव गरेको १५ प्रतिशत बोनस शेयरलाई पुँजीमा समायोजन गर्दा कम्पनीको पुँजी ९ अर्ब ३५ करोड हुन आउँछ ।
कम्पनीको आर्थिक वर्ष ०७६/७७ को प्रथम त्रैमास र आर्थिक वर्ष ०७५/७६ को प्रथम त्रैमासलाई दाँजेर हेर्दा :
खुद ब्याज आम्दानीमा वृद्धि :
बैंकको प्रमुख आम्दानीको श्रोतमा रहेको खुद ब्याज आम्दानीमा ६ प्रतिशतको वृद्धि देखिएको छ । बैंकले गत आर्थिक वर्षको प्रथम त्रैमासमा ७९ करोड २८ लाख खुद व्याज आम्दानी गरेकोमा चालु आर्थिक वर्षको प्रथम त्रैमासमा कम्पनीले ८३ करोड ७१ लाख खुद व्याज आम्दानी गरेको छ ।
खुद मुनाफामा गिरावट आउनुको कारण के ?
गत आर्थिक वर्षको पहिलो त्रैमासमा ४२ करोड ८७ लाख खुद मुनाफा गरेको कम्पनीले अहिले भने ३४ करोड ३ लाख खुद मुनाफा गरेको छ । यसरी खुद मुनाफामा २१ प्रतिशतको गिरावट देखिएको छ । प्रमुख आम्दानीको श्रोतमा रहेको खुद व्याज आम्दानीमा ६ प्रतिशतको वृद्धि देखिदापनि कम्पनीको खुद मुनाफामा गिरावट देखिएको छ । कम्पनीले गत आर्थिक वर्षको प्रथम त्रैमासमा ८ करोड १८ लाख जोखिम व्यवस्थापन शिर्षकबाट फिर्ता आएकोमा अहिले भने सो शिर्षकमा ९ करोड ५१ लाख व्यवस्थापन गर्नु परेको छ ।
प्रतिशेयर आम्दानीमा गिरावट:
चुक्ता पुँजीमा १६ प्रतिशतको वृद्धि भएको र खुद मुनाफामा २१ प्रतिशतको गिरावट संगै कम्पनीको प्रतिशेयर आम्दानी ३२ प्रतिशतले घटेको छ । कम्पनीको प्रकाशित प्रति शेयर आम्दानी १६ रुपैया ७४ पैसा रहेको छ ।
जगेडा कोष घट्यो, संचित मुनाफामा गिरावट :
कम्पनीको जगेडा कोष २३ प्रतिशतले कम हुँदै जगेडा कोषमा २ अर्ब ७६ करोड रकम पुगेको छ । संचित मुनाफा भने १ प्रतिशतले कम हुँदै १ अर्ब ७२ करोड पुगेको छ । शेयर प्रिमियम शिर्षकमा १६ करोड ९८ लाख रकम छ ।
निक्षेप कर्जा कस्तो ?
बैंकले चालु आर्थिक वर्षको प्रथम त्रैमास र अघिल्लो आर्थिक वर्षको प्रथम त्रैमासलाई आधार मान्दा बैंकको निक्षेप संकलन २ प्रतिशतले घटेको छ भने कर्जा प्रवाह भने ३ प्रतिशतले बढेको छ । बैंकले चालु आर्थिक वर्षको प्रथम त्रैमासमा ६६ अर्ब २ करोड निक्षेप संकलन गरी ६३ अर्ब २० करोड कर्जा प्रवाह गरेको छ ।
खराब कर्जा घटाउन सफल :
गत आर्थिक वर्षको प्रथम त्रैमासमा खराब कर्जा ३ प्रतिशत भन्दा माथि थियो अहिले भने खराब कर्जालाई बैंकले ३ प्रतिशत भन्दा मुनी राख्न सफल भएको छ ।
कम्पनी र दोश्रो बजार:
मूल्य आम्दानी अनुपात १२ गुणा:
कम्पनीको पुष १४ गतेको बजार मूल्य २०२ लाई आधार मान्दा कम्पनीको मूल्य आम्दानी अनुपात १२ गुणा आउँछ । लाभांश प्रस्ताव गरेरे बुक क्लोज आउँन बाँकी हुँदाको अवस्थामा कम्पनीको मूल्य आम्दानी अनुपात १२ गुणा हुनुलाई सकारात्मक रुपमा हेर्न सकिन्छ।
वास्तविक मूल्य (Fair Value):
कम्पनीको प्रतिशेयर आम्दानी १६ रुपैयाँ ७४ पैसा र किताबी मूल्य १५७ रुपैयाँ ३० पैसालाई आधार मान्दा कम्पनीको वास्तविक मूल्य २४३ रुपैयाँ हुन आउँछ ।
यसको आधारमा अहिलेको कम्पनीको बजार मूल्य २०२ लाई हेर्दा कम्पनीको बजार मूल्य वास्तविक मूल्य भन्दा थोरैमा कारोवार भएको छ । कम्पनीको पुष १४ गतेको बजार मूल्य उसको वास्तविक मूल्य भन्दा प्रतिकित्ता ४१ रुपैयाँ सस्तो देखिन्छ ।
मूल्य र किताबी मूल्यको आधारमा:
कम्पनीको दोश्रो बजारको मूल्य र किताबी मूल्यको अनुपात निकाल्दा कम्पनीको अनुपात १ दशमलव २८ गुणा आउँछ। बेन्जामिन ग्रामले सो अनुपात १ दशमलव ५ गुणा भन्दा धेरै भएका कम्पनीलाई “ओभर भ्यालूड” क्षेत्रमा राखेको देखिन्छ । यो शुत्र प्रयोग गर्दा कम्पनीको बजार मूल्यलाई कम्पनीको आधारभुत हिसाबसँग दाँजेर हेर्दा कम्पनी “अण्डर भ्यालूड” क्षेत्रमा देखिन्छ ।
निस्कर्ष:
कम्पनीको बजार मूल्य र कम्पनीले प्रस्ताव गरेको बोनस शेयरलाई आधार मान्दा कम्पनीको लाभांशबाट आउने प्रतिफल ८ प्रतिशतको नजिक रहेको छ । केही वाणिज्य बैंकको बुक क्लोज हुँदा समेत मूल्य आम्दानी अनुपात धेरै हुँदा आकर्षक लाभांश प्रस्ताव गरेको कम्पनीको मूल्य आम्दानी अनुपात १२ गुणा छ ।
यसलाई सकारात्मक रुपमा लिन सकिन्छ । तर निक्षेप संकलन र कर्जा प्रवाहलाई वृद्धि गर्नु पनि बैंकलाई एउटा प्रमुख चुनौती थपिएको छ। प्रकाशित स्प्रेडदर ५ प्रतिशत भन्दा माथि पुगेको छ । स्प्रेड दरलाई घटाउनु बैंकलाई चुनौती थपिएको छ ।
उपलब्ध तथ्याङ्क आधारित विश्लेषण पूर्ण होइन, निर्णय लिँदा थप अनुसन्धान गर्नुपर्ने छ। – लेखक
आर्थिक संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
सत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
न्युरोडबाट १ किलो ८ सय ग्राम सुन र १ करोड ४३ लाख रकमसहित ७ पक्राउ
बैशाख १४, २०८१ शुक्रबार
पहिलो पटक हुम्ला पुगे दुई टिपर, स्थानीयले गरे फूलमालाले स्वागत !
बैशाख १४, २०८१ शुक्रबार
जनताको उन्नति र प्रगति नै कांग्रेसको चाहना हो : सभापति देउवा
बैशाख १४, २०८१ शुक्रबार
बागमती प्रदेशका सरकारी कार्यालयको बोर्ड तीन भाषामा
बैशाख १४, २०८१ शुक्रबार
टियुमा अभ्यास गर्दै वेस्ट इन्डिज 'ए' टिम
बैशाख १४, २०८१ शुक्रबार
रेशम चौधरीको मुद्दामा मिसिल झिकाउन सर्वाेच्च अदालतको आदेश
बैशाख १४, २०८१ शुक्रबार
भोलिदेखि नेपाल र वेस्ट इन्डिज ‘ए’बीच क्रिकेट प्रतियोगिता हुने
बैशाख १४, २०८१ शुक्रबार