काठमाडौंमा हल्का बर्षा

१७ पुस काठमाडौं । मौसममा आएको परिवर्तनसँगै पुस महिनाको तेस्रो साताको सुरुवातमै काठमाडौंमा हल्का बर्षा भएको छ । जल तथा मौसम पूर्वानुमान महाशाखाका अनुसार देशैभर बिहीबार आज मौसममा बदली रहि उच्च हिमाली भू भागमा हिमपात भएको छ ।

मौसम परिवर्तनसंगै तराईका अधिकाश जिल्लामा हुस्सु र कुहिरोले गर्दा जननिवन प्रभावित भएको छ । मौसमविदका अनुसार हाल नेपालमा पश्चिमी न्यून चापिय प्रणालीको प्रभाव देखिएको छ।

महाशाखाले आज बिहान जारी गरेको मौसमी बुलेटिन अनुसार देशभर सामान्य बदली रहि उच्च पहाडि तथा हिमालि भु-भागका अधिकांश स्थानहरुमा हल्का देखि मध्यम हिमपात र पश्चिम तथा मध्यका केहि स्थानहरुमा हल्का देखि मध्यम वर्षाको तथा पूर्वका एक वा दुई स्थानहरुमा हल्का वर्षाको संभावना रहेको छ ।