जमिन बाँझो राख्नेलाई सरकारले निगरानी गर्ने :- मन्त्री अर्याल

१७ पुष, स्याङ्जा । भुमि व्यवस्था, सहकारी तथा गरिबी निवारण मन्त्री पद्मा अर्यालले जमिन बाँझो राख्नेलाई सरकारले निगरानी गरिरहेकाे बताएकी छिन् । जग्गाजमिन बाँझो राखेर सरकारलाई सहयोग नहुने भन्दै मन्त्री अर्यालले माटो सुहाँउदो खेती लगाउन आग्रह गरिन् ।

गण्डकी प्रदेश स्तरीय प्रथम क्यानोनीङ, सुन्तला तथा साँस्कृतिक महोत्सव २०७६ को उद्घाटन गर्दै मन्त्री अर्यालले होमस्टेमार्फत मुलुकलाई समृद्धिको आधारतर्फ लैजानुपर्ने बताएकी छन् । मुलुकको विकासका लागि होमस्टे संचालन गर्दै समृद्धितर्फ उन्मुख हुनुपर्नेमा उनकाे जोड थियाे । उत्पादनलाई जोड दिदै होमस्टे संचालन गरेर अगाडी बढाउन सकियो भने सरकारले ल्याएको समृद्ध नेपाल, सुखी नेपाली नार सार्थक हुने मन्त्री अर्यालको भनाई छ ।

मुलुकलाई अब आर्थिक सम्पन्नतासगँ जोड्नु आवश्यक छ, मन्त्री अर्यालले भनिन्,“माटो सुहाउदो खेती र होमस्टेलाई प्रथामिकता दिनुपर्छ ।” सरकारले घोषणा गरेको भ्रमण बर्ष २०२० लाई सफल बनाउनका लागि पनि उत्पादन र होमस्टेलाई प्रथामिकतामा राख्नु पर्छ मन्त्री अर्यालले भनिन् ।

सरकार नागरिकको शिक्षा, स्वास्थ्यलाई प्रथामिकतामा राखेर काम गरिरहेको छ मन्त्री अर्यालले भनिन्,“नागरिकले पनि मुलुकलाई समृद्ध बनाउन सहयोग गर्नुपर्छ ।”

सुन्तलाबारी होमस्टेले परिचित रहेको वालिङ ४ एलादी खाल्डे गाँउले होमस्टेमार्फत गाँउको परिचय दिन सफल भएको प्रति मन्त्री अर्यालले प्रंशसा गरिन् । होमस्टेको बाँकी पुर्वाधार बनाउन आवश्यक रहेमा सरकारले सहयोग गर्ने प्रतिवद्धता मन्त्री अर्यालको छ । क्यानोनीङ खेललाई महत्व दिएर आयोजना गरिएको महोत्सवले बाह्रय र आन्तरिक पर्यटक भित्राउन सहज हुने भन्दै मन्त्री अर्यालले खेलको अन्य पुर्वाधार बनाउन सरकार तयार रहेको बताईन् ।

कार्यक्रममा गण्डकी प्रदेश विद्यायन समितिका सभापति मोहन रेग्मी, वालिङ नगरपालिकाका प्रमुख दीलिपप्रताप खाँण, प्रमुख जिल्ला अधिकारी रामबहादुर कुरुम्बाङ्, नेकपाका जिल्ला अध्यक्ष सुर्यप्रसाद गैह्रे, वडा नम्वर ४ का वडा अध्यक्ष रनध्वज गुरुङ्, नेपाली कांग्रेसका वडा सभापति हरिकिशन गुरुङ, वालिङ उद्योग वाणिज्य संघका अध्यक्ष शोभाकान्त पौडेल, स्याङ्जा क्यानोनीङ तथा पर्यटन प्रवद्र्धन समितिका संयोजक मोहन खनाल लगायतका बक्ताहरुले बोलेका थिए ।

भ्रमण बर्ष २०२० लाई लक्षित गरेर आयोजना गरिएको यो महोत्सवले एलादी गाँउ मात्रै नभएर वालिङ नगरपालिकालाई चिनाउने काममा सघाउ पुग्ने बताएका थिए । सुन्तलाबारी होमस्टेका अध्यक्ष डीलबिक्रम गुरुङ्को सभापतित्वमा सम्पन्न भएको कार्यक्रमको स्वागत खेमराज गुरुङ र संचालन यामकान्त खनालले गरेका थिए । महोत्सव १७ देखि २१ गते सम्म संचालन हुनेछ ।