आज काठमाडौंमा ७ घण्टा बत्ती जाने !

२२ पुस काठमाडौं । नेपाल विद्युत् प्राधिकरणले मंगलबार काठमाडौंका केही ठाउँमा सात घण्टा विद्युत अवरुद्ध हुने जानकारी दिएको छ ।

चक्रपथ विस्तारको लागि रुख काट्नुपर्ने भएकाले आज महाराजगञ्ज वितरण केन्द्रको ओम फिडरबाट वितरण हुने लाइन बिहान ९ बजेदेखि दिउँसो ४ बजेसम्म बन्द हुने नेपाल विद्युत् प्राधिकरणले जनाएको हो ।

यो लाइन बन्द हुँदा सुकेधारा, न्यू कोलोनी, ढलाने पुल, निलो पुल, लगायतको क्षेत्रमा सात घण्टा बिजुली नआउने भएको हो । रुख कटानको काम सम्पन्न हुने बित्तिकै सेवा सुचारु गरिने प्राधिकरणले जनाएको छ ।