काठमाडौंमा मौसम सफा, तराईमा हुस्सु र कुहिरो

२७ पुस काठमाडौं । काठमाडौं उत्पयकासहितका क्षेत्रको मौसम सामान्यतया सफा रहे पनि तराईका क्षेत्रमा हुस्सु तथा कुहिरो लाग्ने जल तथा मौसम पूर्वानुमान महाशाखाले जनाएको छ ।

हाल नेपालमा उल्लेखनीय मौसमी प्रणालीको प्रभाव छैन । तर स्थानीय वायुको प्रभावले केही क्षेत्रमा आंशिक बदली तथा तराईका क्षेत्रमा हुस्सु तथा कुहिरो लागेको हो ।

विशेष गरी मध्य तथा पश्चिमका तराई क्षेत्रमा कुहिरो तथा हुस्सु लागेको छ । पहाडी क्षेत्रमा आंशिक बदली भएको छ । आइतबार दिउँसो पहाडी क्षेत्रको मौसम सामान्यतया सफा रहने छ । तर तराईमा भने हुस्सु र कुहिरो रहने छ । राति भने देशभर नै मौसम सफा रहने जनाइएको छ ।

विशेष मौसम बुलेटिन (Special  Forecast Bulletin)

(जारी मितिः २०७६-०९-२७ समय: ०८:३०)

सोमबार अपरान्हबाट नेपालको पश्चिमी भू-भागमा प्रवेश गर्ने पश्चिमी न्युन चापीय प्रणालीका कारण सोमबार बेलुका र मंगलबार देशका पश्चिमी भू-भागमा आंशिक देखि सामान्य बदली रही पश्चिमी उच्च पहाडी तथा हिमाली भू-भागमा हल्का देखि मध्यम हिमपात तथा पश्चिमी पहाडी तथा तराईका केही भू-भागमा हल्का वर्षा हुने सम्भावना छ।

यस प्रणालीको प्रभाव देशको पश्चिमी भू-भागमा मंगलबार सम्म नै रहने हुनाले सतर्क रहनु हुन अनुरोध छ ।मंगलबार रातीबाट उक्त पश्चिमी न्युन चापीय प्रणाली कमजोर हुने र मौसममा सुधार हुने देखिन्छ।

तराईका केही ठाउँहरुका बिहान ७:3० बजेको मौसमी अवस्था

केन्द्र	तापक्रम (°C)	पारदर्शिता (Visibility)(m)
धनगढी	10.0	2०००
नेपालगञ्ज	8.०	005०
भैरहवा	8.०	05००
सिमरा	9.0	05००
बिराटनगर	१1.०	०050
जनकपुर	10.0	0500

आगामी तीन दिनको मौसम पूर्वानुमान 

पौष २७ गते (आईतबार) 

दिउँसो : देशका पहाडी भू-भागहरुमा मौसम सामान्यतया सफा रहनेछ । तराई भू-भागहरुमा हुसु/कुहिरो लाग्ने  सम्भावना  छ।

रातीः   देशभर मौसम सामान्यतया सफा रहनेछ ।

पौष २८ गते (सोमबार) 

दिउँसो : देशका पहाडी भू-भागहरुमा मौसम सामान्यतया सफा रहनेछ । तराई भू-भागहरुमा हुसु/कुहिरो लाग्ने  सम्भावना  छ।

रातीः   देशका पश्चिमी भूभागमा  सामान्य बदली भई अन्य भू्भागमा मौसम सामान्यतया सफा रहनेछ । पश्चिमी  भू-भागका एक-दुई स्थानमा हल्का वर्षाको साथै पश्चिमी  उच्च पहाडी तथा हिमाली भू-भागका थोरै  स्थानहरुमा हल्का  देखि मध्यम  हिमपात हुने सम्भावना रहेको छ।

पौष २९ गते (मंगलबार) 

दिउँसो : देशका पश्चिमी भूभागमा  सामान्य बदली भई अन्य भू्भागमा आंशिक बदली  रहनेछ । पश्चिमी भू-भागका थोरै स्थानहरुमा हल्का वर्षाको साथै पश्चिमी  उच्च पहाडी तथा हिमाली भू-भागका थोरै  स्थानहरुमा हल्का  देखि मध्यम  हिमपात हुने सम्भावना रहेको छ।

रातीः  देशका पश्चिमी भूभागमा  सामान्य बदली भई अन्य भू्भागमा मौसम सामान्यतया सफा रहनेछ । पश्चिमी  भू-भागका एक-दुई स्थानमा हल्का वर्षाको साथै पश्चिमी  उच्च पहाडी तथा हिमाली भू-भागका थोरै  स्थानहरुमा हल्का हिमपात हुने सम्भावना रहेको छ।

आगामी २४ घण्टाका लागि चेतावनी तथा परामर्श (Warning/Advisory for next 24 hrs.):–

तराई भू-भागहरुमा हुसु/कुहिरो लाग्ने  सम्भावना  रहेकोले हुसु्/कुहिरो लागेको स्थानहरुमा राम्रो सँग घाम नलाग्ने भएकोले चिसो नै रहने देखिन्छ।तसर्थ चिसोबाट बच्ने उपायहरु अपनाउनु हुन साथै यात्रामा पर्न सक्ने जोखिम र अन्य प्रभावहरुबाट बच्न सतर्कता अपनाउन हुन अनुरोध छ ।