“सत्य कहिल्यै हार्दैन, स्वाभिमान कहिल्यै मर्दैन”- पुर्वराजा ज्ञानेन्द्र शाह

२७ पुस काठमाडौ । “सत्य कहिल्यै हार्दैन, स्वाभिमान कहिल्यै मर्दैन भन्दै” पुर्वराजा ज्ञानेन्द्र शाहले जनता र देशका निम्ति अबिभाज्य नेपाल कसरी रहनसक्छ त्यसतर्फ सचेत रहन आग्रह गरेका छ्न । २९८ औं पृथ्वी जयन्ती तथा राष्ट्रिय एकता दिवशका अवसरमा शुभकामना सन्देश जारी गर्दै उनले राष्ट्रप्रति चिन्ता व्यक्त गरेका हुन ।

पृथ्वी जयन्तिका अवसरमा जारी शुभकामना सन्देशमा श्री ५ पृथ्वीनारायण शाहको अथक प्रयास र योगदानले नेपाल् एकीकरण भएको, विश्व सामु हामी नेपाली भनी गौरवान्वित हुन पाएको भन्दै उनले पुर्खाले जोडेको देशको जगेर्ना गर्न अहिलेको मुख्य आवश्यकता हो भनी चिन्ता व्यक्त गरिएको छ । यसैगरी राष्ट्रपिताको दिव्य उपदेश आधुनिक नयाँ नेपाल निर्माणकाे मुख्य सुत्रहरु भएको र ती दिव्य उपदेश देशभक्त नागरिकले बिर्सन नहुने भनिएको छ ।

शुभकामना सन्देशमा देशमा अहिले के भैरहेको छ,जनमानसमा कस्तो अबस्था छ ? त्यो सबैलाई थाहा भएको भन्दै राष्ट्र नायकहरुको वीरगाथाबारे बोल्न नसक्ने, माटोको सम्मानमा बोल्नै नहुने, राष्ट्रिय स्वाभिमान र अखण्डतालाई कुण्ठित पार्ने एवम मुलुकले नचाहेको र असान्दर्भिक विषयलाई प्रवेश गराई मुलुक र मुलुकबासीलाई  विवादमा पार्ने काम कोही कतैबाट हुनुहुदैन भनिएको छ ।