अश्लिल भिडियो बनाई सामाजिक संजालमा भाइरल बनाएको अभियोगमा पक्राउ

२९ पुस काठमाडौं । सार्वजनिक सवारी साधनमा युवतीलाई लक्षित गरी हस्तमैथुन गरेको भिडियो सामाजिक सञ्जालमा पोष्ट गर्ने एक युवक पक्राउ परेका छन् ।

महानगरीय अपराध महाशाखाको टोलीले उक्त भिडियो सामाजिक सञ्जालमा अपलोड गर्ने युवकलाई चितवनबाट पक्राउ गरेको हो । तर हस्तमैथुन गर्ने युवक भने फरार रहेको प्रहरीले बताएको छ ।

गत वर्षको मंसिरमा राजधानीमा चल्ने सार्वजनिक बसमा एक युवकले हस्तमैथुन गरेर युवतीको कपालमा विर्य स्खलन गरेको भिडियो सामाजिक सञ्जालमा अपलोड भएको थियो । अश्लिल भिडियो बनाई सामाजिक संजालमा भाइरल बनाउने तनहुँ अरुणोदय घर भई चितवन भरतपुर उपमहानगरपालिका बिकासचोक बस्ने २१ वर्षीय रबिन सार्की भन्ने रविन रुचाललाई सोमबार प्रहरीले पक्राउ गरेको हाे ।

रबिनले २०७५ माघ ११ गते सार्वजनिक बसमा हस्तमैथुन गरेको भिडियो सामाजिक संजालमा र प्रोनसाइडमा अपलोड गरेको भन्ने सूचना प्राप्त भएपछि महानगरीय अपराध महाशाखाबाट अनुसन्धान गरी जिल्ला प्रहरी कार्यालय चितवनसँग समन्वय गरी पक्राउ गरेको हो ।

रबिनले १ वर्ष अगाडि सार्वजनिक बसमा अश्लिल भिडियो बनाई सामाजिक संजालमा पोष्ट गरेर भाइरल भएपछि सामाजिक संजाल प्रयोगकर्ताले संजाल मार्फत नै गालीगलौज गरेका थिए । त्यसपछि सन् २०१९ को फेब्रुअरीमा भागेर भारतको दिल्लीमा गई बसेको र २र३ महिना अगाडि चितवनस्थित आफ्नै घरमा आई बसेको अनुसन्धानबाट खुल्न आएको प्रहरीले जनाएको छ ।

यस सम्बन्धमा थप अनुसन्धान भइरहेको महानगरीय अपराध महाशाखा टेकुले जनाएको छ ।