बिहीबार बिहानै बझाङमा भूकम्प !

२ माघ बझाङ । सुदुरपश्चिमको जिल्ला बझाङमा बिहीबार बिहानै भूकम्प गएको छ । बिहीबार बिहान ५ बजेर ५९ मिनेटमा तल्कोट गाउँपालिकाको मेलबिसौँना केन्द्रबिन्दु भएर ३ दशमलव ८ म्याग्निच्युडको भूकम्प गएको भूकम्प मापन केन्द्र सुर्खेतले जनाएको छ ।

 विसं १९९० माघ २ गते अपराह्न २ बजेर २४ मिनेटमा भूकम्प गएको सम्झनामा आज देशभर विभिन्न कार्यक्रम आयोजना गरी २२ औँ राष्ट्रिय भूकम्प सुरक्षा दिवस मनाइँदै गर्दा बझाङमा बिहीबार बिहानै भूकम्प गएको हाे । भूकम्प मापन केन्द्रका अनुसार अहिले भूकम्प गएको ठाउँमा फोनसम्पर्क विच्छेद भएको छ ।