तराईमा हुस्सु–कुहिरो, बाँकी क्षेत्रमा मौसम सफा

९ माघ काठमाडौं । जल तथा मौसम पूर्वानुमान महाशाखाले नेपालमा हाल उल्लेखनीय मौसमी प्रणालीको प्रभाव नरहेको जनाएको छ।

तर जाडोको मौसम रहेकाले स्थानीय वायुको प्रभावका कारण हुस्सु–कुहिरो तथा देशका केही क्षेत्रमा आंशिक बदली भने हुने मौसमविदले बताएका छन् । हाल तराईका क्षेत्रमा हुस्सु–कुहिरो लागेको छ भने बाँकी क्षेत्रमा मौसम सामान्यतया सफा रहेको छ।

बिहीबार दिउँसो देशको पुर्वी पहाडी भूभागमा आंशिक बदली रही मध्य र पश्चिमी पहाडी भूभागमा मौसम सामान्यतया सफा रहने मौसमविदले बताएका छन् । तराई क्षेत्रमा हुस्सु –कुहिरो रहनेछ। देशको पूर्वी पहाडी भूभागमा आंशिक बदली रहनेछ बाँकी स्थानमा मौसम सामान्यतया सफा रहनेछ।

आगामी तीन दिनको मौसम पूर्वानुमान

माघ ९ गते (बिहिबार)

दिउँसो : देशको पुर्वी पहाडी  भूभागमा आंशिक  बदली रही मध्य र पश्चिमी  पहाडी भू-भागमा मौसम सामान्यतया सफा रहनेछ।देशका तराईका भू-भागमा हुस्सु/कुहिरो रहनेछ।

रातीः  देशको पुर्वी पहाडी  भूभागमा आंशिक  रहनेछ बाँकि स्थानमा मौसम सामान्यतया सफा रहनेछ ।

 माघ १० गते (शुक्रबार)

दिउँसो : देशको पुर्वी पहाडी  भूभागमा आंशिक देखि सामान्य बदली र मध्य तथा पश्चिमी पाहाडी भू-भागमा आंशिक बादली रही बाँकि स्थानमा मौसम सामान्यतया सफा रहनेछ ।

रातीः  देशको पुर्वी पहाडी  भूभागमा आंशिक देखि सामान्य बदली र मध्य तथा पश्चिमी पाहाडी भू-भागमा आंशिक बादली रही बाँकि स्थानमा मौसम सामान्यतया सफा रहनेछ ।

 माघ ११  गते (शनिबार)

दिउँसो : देशको  पहाडी  भूभागमा आंशिकदेखि सामान्य बदली  रही बाँकि स्थानमा आंशिक बादली रहनेछ ।

रातीः  देशको  पहाडी  भूभागमा आंशिक देखि सामान्य बदली  रही बाँकि स्थानमा आंशिक बादली रहनेछ ।

आगामी २४ घण्टाका लागि चेतावनी तथा परामर्श (Warning/Advisory for next 24 hrs.):–
तराईका अधिकांश भू-भागमा  हुस्सु/कुहिरो रहने र ती स्थानमा घाम राम्रोसँग नलाग्ने भएकोले चिसोबाट बच्ने उपाय अपनाउनु हुन अनुरोध छ।