चीनमा ‘कोरोना भाइरस’ आतंक : ५६ को मृत्यु

१२ माघ एजेन्सी । चीनमा एक भाइरसका कारण मानिसहरुमा निमोनियाको संक्रमण फैलँदा विश्व नै तरंगित भएको छ। ‘कोरोना भाइरस’ भनिएको उक्त भाइरसका कारण चीनमा केही व्यक्तिहरुको मृत्यु भएपछि यसबारे चर्चा चुलेको हो।

हालसम्म चीनमा भाइरसको संक्रमण कारण ५६ जनाको मृत्यु भएको छ । शनिबारसम्म ४१ जनाको मात्रै ज्यान गएको तथ्याङ्क आएपनि आइतबार बिहानसम्ममा ५६ जनाको ज्यान गइसकेको अधिकारीहरुले बताएका छन् । अधिकारीहरुका अनुसार गएको २४ घण्टामा भित्रमा १५ जनाको ज्यान हो ।

अहिलेसम्म चीनमा २३ हजार ३ सय ४१ जना संक्रमीत रहेको रहेका तथ्याङ्क छ । चीनका राष्ट्रपति सीचिङपिङले उनीहरुको उपचारका लागि कुनै पनि कसुर नराख्न सम्बन्धित अधिकारीहरुलाइ निर्देशन सकेका छन् ।