सुन तोलाको ७६ हजार !

१३ माघ काठमाडौं । सुनको भाउ सोमबार तोलामा पाँच सय रुपैयाँ बढेको छ । सुन सोमबार तोलाको ७६ हजार रुपैयाँ निर्धारण गरिएको नेपाल सुनचाँदी व्यवसायी महासङ्घले जनाएको छ ।

आइतबार तोलामा ३ सय रुपैयाँ बढेको सुनको भाउ सोमबार तोलामा थप पाँच सय रुपैयाँ बढेको हो । यस्तै चाँदी आइतबार तोलामा पाँच रुपैयाँ बढेर तोलाको नौ सय रुपैयाँमा कारोबार भइरहेको महासङ्घले जनाएको छ । पछिल्लो केही महिनादेखि सुनको भाउ अस्थिर जस्तै छ, जसको प्रभाव व्यापारमा परेको व्यवसायीहरु बताउँछन् ।