१ अर्ब ४० करोडको कारोवार हुँदा, बजारले १३०० को विन्दुलाई बलियो टेवा बनाएकै हो ?

माघ १४, काठमाण्डौ: हिजो १३०० को मनोवैज्ञानिक टेवामाथि बन्द भएको बजार आज खुलेबाट नै घट्न मानेको थिएन । बजार आज १३०६ दशमलव १५ को विन्दुमा बन्द भएको छ । बजार परिसूचक नेप्सेमा ५ दशमलव ५२ अंकको वृद्धि देखिएको छ । बजारको खुला विन्दु र न्यून विन्दु एउटै अर्थात १३०० दशमलव ६६ रहेको छ।

कारोवार रकम वृद्धि हुँदै १ अर्ब ४० करोड पुगेको छ । आज १७८ कम्पनीका ३७ लाख ३९ हजार कित्ता शेयर खरिद बिक्री भएका छन् । नेप्से परिसूचकमा वृद्धि देखिएपनि सेन्सेटिभ इन्डेक्स भने घटेको छ ।

आज बजारलाई ड्राईभ गर्ने वाणिज्य बैंकको उपसुचकमा सामान्य शुन्य दशमलव १ प्रतिशतको गिरावट आएको छ । आज ट्रेडिङ्ग उपसुचकमा सर्वाधिक २ दशमलव ९१ प्रतिशतको गिरावट देखिएको छ । निर्जीवन बीमा कम्पनीहरुको उपसुचकमा सर्वाधिक २ दशमलव ६ प्रतिशतको वृद्धि देखिएको छ ।

आज बजार १३०० दशमलव ६६ को विन्दुमा खुलेकोमा बजारको न्यून विन्दु पनि त्यही रहेको छ । त्यस्तै बजारले ११ बजेर २१ मिनेटमा १३१६ दशमलव ४४ को उच्च विन्दु समातेको थियो । २ बजेर २० मिनेटबाट अलिकता बिक्री चाप आए पनि अन्तिम ५ मिनेटमा थोरै बजार माथिल्लो दिशा तर्फ जान खोजेको थियो । यसरी हिजो बजार १३०० को विन्दु माथि बन्द भएको र आज पनि १३०० को विन्दु भन्दा मुनी बजार नगएकोले १३०० लाई प्राविधिक रुपमा राम्रो टेवा लिएको आकलन गर्न सकिन्छ । तर आज बजारले सुरुवात चरणमै १३१६ दशमलव ४४ को उच्च विन्दु समातेकोमा बजारले आज नै २ पटक त्यो विन्दु पार गर्न खोज्दा असफल भएको देखिन्छ । यो विन्दुलाई पार गर्ने प्रथम लक्ष्य रहेको छ ।

ग्लोबल आईएमई बैंकको ९ करोड ९५ लाख बराबरको शेयर खरिद बिक्री भएको छ त्यस्तै शिखर इन्स्योरेन्सका शेयर धनीले सर्वाधिक ८ प्रतिशतले कमाए भने गुवेश्वोरी फाईनान्सका शेयरधनीले सर्वाधिक ४ दशमलव ३५ प्रतिशतले गुमाए ।

हेरौ आज सर्वाधिक कारोवार हुने, कमाउने र गुमाउने कम्पनीहरु:

प्राविधिक बिश्लेषण :

मुख्य प्रतिरोध: १३१७ पहिलो टेवा : १२९५

• आज कारोबारको पहिलो समयमा १३१६ विन्दुसम्म पुगे पछि बजार प्रवृत्तिहिन रहेको थियो।  आज नेप्से परिसूचक १३०६ दशमलब १५ को बिन्दुमा बन्द भएको छ ।
• आजको कारोबारले “सूटिङ्ग स्टार” मैनबत्तीको चित्र बनाएको छ। यसले कारोबारको पहिलो समयमा क्रेता हावी रहेको र अन्तिम समयमा विक्रेताको चाप रहेको जनाउँदछ ।
• दैनिकी अवधिमा “आरएसआई” ६५ दशमलब ६६ को बिन्दुमा छ। आरएसआईको प्रवृत्तिले बजार सकारात्मक भई हालेको जानकारी गराएको देखिन्दैन ।
• “एडिएक्स”ले क्रेताको चाप कमजोर हँदै गएको जनाएको छ भने जोड र बिजोड “डाइरेक्सनल इन्डेक्स”हरु सामान्य देखिएको छ ।
• “अन ब्यालेन्स भल्यूम” ले निश्चित रुपमा जानकारी दिएको देखिंदैन ।
• नेप्से बढेमा पहिलो प्रतिरोध १३१७ को क्षेत्रमा पाउने देखिन्छ र घटेमा पहिलो टेवा १२९५ को क्षेत्रमा पाउने देखिन्छ ।