पाल्पामा एकल महिलालाई आयआर्जन तालीम
नेपालबहस संवाददाता
माघ २१, २०७६ मंगलबार २१:४६:५२
२१ माघ काठमाडौं । पाल्पाका एकल महिलाको आयआर्जन बढाउन प्रोत्साहनका कार्यक्रम सञ्चालनमा ल्याइएको छ ।
रिब्दीकोट गाउँपालिकाले एकल महिलालाई आत्मनिर्भर बनाउने उद्देश्यका साथ परालका जुत्ता र धागोको बत्ती बनाउने तालीम सञ्चालनपछि महिला उत्साहित बनेका हुन् । महिलाबाट उत्पादित वस्तुको गाउँपालिकाले नै बजारको व्यवस्थापन गर्दै आएको छ ।
एकल महिलाबाट उत्पादित सामान गाउँपालिकाले नै खरीद गरी बजार व्यवस्थापन गर्ने भएपछि महिला थप उत्साहित भएका हुन् । गाउँपालिका अध्यक्ष नारायणबहादुर जिसीले समाजमा आर्थिक, सामाजिक, राजनीतिकरुपमा कमजोर एकल महिलालाई आर्थिकरुपमा सशक्त बनाउन सकेका अवस्थामा सामाजिक रुपमा हित हुने बताए ।
गाउँपालिकाका फेक, ठिमुरे र पालुङ्गमैनादीमा महिलाले आयआर्जनसम्बन्धी कार्यक्रम सञ्चालनमा ल्याएका छन् । बत्ती र जुत्ता बनाउन थालेपछि महिला आत्मनिर्भर भएका छन् । आर्थिकरुपमा अरुको भरपर्ने अवस्थाबाट हटाउनका लागि गाउँपालिकाले आयआर्जन बढाउन कार्यक्रम सञ्चालनमा ल्याएको गाउँपालिका अध्यक्ष जिसीको भनाइ छ ।
फेकमा सञ्चालित तालीममा सहभागी १६ एकल महिला परालबाट जुत्ता बनाउने ज्ञान, सीप र क्षमताको अभिवृद्धि हुँदा खुशी देखिएका हुन् । एकल महिला सञ्जाल रिब्दीकोट–८ फेकका अध्यक्ष तारा रायमाझीले आफूहरुले घरमा फुर्सदका समयमा समेत धागोबाट बत्ती र परालबाट जुत्ता बनाउन ज्ञान सिकेको बताइन् ।
हेर्दा सानोजस्तो देखिए पनि यस कामबाट प्रशस्त आम्दानी हुने र एकल महिलालाई आत्मनिर्भर बनाउन सहयोग पुग्ने देखिएको रायमाझीको भनाइ थियो। अहिले पूजाआजामा धागोको बत्ती र परालको जुत्ताको माग बढ्दो छ ।
जिल्ला समन्वय समितिका सदस्य कमला थापाले एकल महिलाले काम गरेर समुदायको नमूना व्यक्ति बनेर देखाउनुपर्ने बताइन् । महिलाबाट स्थानीयस्तरमा उत्पादित वस्तु सहजरुपमा बजार पाउन सफल भएको गाउँकार्यपालिका सदस्य दानबहादुर कामीले बताए । गाउँपालिकास्तरीय एकल महिला सञ्जाल गठित छ । सञ्जालले गाउँपालिकाका प्रत्येक वडामा एकल महिलामाथि परनिभर्रता हटाउनका लागि तालीम सञ्चालन गर्दै आएको छ । तालीमपछि एकल महिलाका परिवारमा खुशी छाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपझापामा सम्बन्धविच्छेदका मुद्दा बढे
जेठ १, २०८१ मंगलबार
१ सय दुई वर्षीय वृद्धसहित एक सय ४३ जनाको शल्यक्रिया
जेठ १, २०८१ मंगलबार
आजको मौसम : यी ठाउँमा चट्याङ्गसहित वर्षाको सम्भावना
जेठ १, २०८१ मंगलबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
आखिर कहाँबाट भयो ब्रह्माण्डको उत्पत्ति ? जहाँ केही पनि छैन, त्यहीँ सबथोक छ
बैशाख ३१, २०८१ सोमबार
आज सुनको मूल्य घट्यो, कतिमा हुँदै छ कारोबार ?
जेठ १, २०८१ मंगलबार
पर्यटन महोत्सवको अवसरमा डोको र टपरी बुन्ने प्रतियोगिता हुने
जेठ १, २०८१ मंगलबार
शिक्षकले महिनामै तलब पाउने, दलको सदस्य हुन नपाउने कानुनी व्यवस्थामा कडाई गरिने
जेठ १, २०८१ मंगलबार
विद्युतीय तारबारबाट जोगिन सूचना बोर्ड र साइरन मेसिन जडान गरिने
जेठ १, २०८१ मंगलबार
अपाङ्गता भएका व्यक्तिलाई निःशुल्क सहायक सामग्री उपलब्ध गराउने
जेठ १, २०८१ मंगलबार
सूचना प्रविधि वर्क स्टेशन सञ्चालन गरी पाँच हजार जनालाई रोजगारी दिने घोषणा
जेठ १, २०८१ मंगलबार