गच्छदारलाई अख्तियार लागेपछि कांग्रेस नेताहरु आकस्मिक वैठकमा
Advertisement

२३ माघ, काठमाडौं । ललितानिवास प्रकरणमा अख्तियार दुरुपयोग अनुुसन्धान आयोगले पूर्वाग्रह राखी नेपाली कांग्रेसका उपसभापति एवं पूर्व उपप्रधानमन्त्री विजय गच्छदारमाथि मुद्धा दायर गरेकोमा नेपाली कांग्रेसका नेताहरु अब के गर्ने भन्नेबारे छलफल गर्न आज बिहानै पार्टी सभापति शेरबहादुर देउवा निवासमा भेला भएका छन् ।

सभापति देउवाको बुढानिलकण्ठस्थित निवासमा वरिष्ठ नेता रामचन्द्र पौडेल, पूर्व महामन्त्री प्रकाशमान सिंह, डा. रामशरण महत लगायतका वरिष्ठ नेताहरु भेला भएका हुन् । उपसभापति गच्छदारसमेत उपस्थित उक्त आकस्मिक बैठकले अख्तियारको पछिल्लो कदमप्रति आधिकारिक धारणा बनाउने बताइएको छ ।

अहिले छलफल जारी छ । नेताहरुले नेकपाप्रति विशेष अनुराग राख्ने गरी अख्तियारले मुद्धा दायर गरेकोमा रोष प्रकट गरेका छन् । एउटै प्रकृतिको मुद्धामा अख्तियारको दोहरो मापदण्ड भएको भन्दै वरिष्ठ नेता पौडेल लगायतका नेताहरुले आपत्ति प्रकट गरिसकेका छन् ।

Advertisement
Advertisement

प्रतिक्रिया दिनुहोस

कृपया तपाईंको प्रतिक्रिया दिनुहोस्!
कृपया यहाँ तपाईंको नाम प्रविष्ट गर्नुहोस्