आज पनि लागेन आईजीपीको टुंगो

२७ माघ, काठमाडौं । प्रधानमन्त्री केपी शर्मा ओली नेतृत्वको सरकारले आज पनि नयाँ आईजीपीमा कसलाई नियुक्त गर्ने भन्नेबारे टुंगो लगाउन सकेकाे छैन । बालुवाटार स्रोतका अनुसार अहिले बस्ने भनिएको मन्त्रीपरिषद्को बैठक छाेटाे समयमा नै सकिएकाे तर आईजीपीकाे बारेमा भने भोलि बिहानको बैठकमा मात्र छलफल हुने भएकाे छ ।

प्रधानमन्त्रीको कार्यव्यस्तता तथा स्वास्थ अवस्थाका कारण आजको बैठक छाेटाे समयमा नै सकिएकाे बताइएको छ । आईजीपी सर्वेन्द्र खनालले ३० बर्षे सेवा हदका कारण भोलिदेखि अवकाश पाउने भएपछि नयाँ आईजीपी कसलाई बनाउने भन्नेबारे टुंगो लगाउनको लागि आज दिउँसो मन्त्रीपरिषद बैठक बस्ने तयारी बिहानदेखि नै भएको थियो ।

भावी आईजीपीका रुपमा वर्तमान डिआइजीद्वय ठाकुर ज्ञवाली र तारणिप्रसाद लम्सालको नाम चर्चामा रहेता पनि ज्ञावालीको संभावना प्रवल रहेको बुझिएको छ ।