१ फागुन काठमाडौं । सत्तारुढ नेपाल कम्युनिष्ट पार्टी ‘नेकपा’ले मनाएको जनआन्दोलन तथा जनयुद्धका शहीदहरूको स्मृतिमा सभामा प्रधानमन्त्री तथा नेकपा अध्यक्ष केपी शर्मा ओली नगएपछि बिहीबार बिहानबाट यो बिषयले निकै चर्चा पाएको छ ।

बुधबार साँझसम्म नेकपाले आयोजना गरेको जनआन्दोलन तथा जनयुद्धका शहीदहरूको स्मृतिमा सभामा जाने कार्यक्रम तय भएपनि बिहीबार बिहान महत्त्वपूर्ण भेटघाट र छलफल कार्यक्रम भएकाले जान नभ्याएको प्धानमन्त्रीका प्रेस सल्लाहकार सूर्य थापाले नेपालबहस डटकमसँगको कुराकानीमा बताए ।

नेकपा केन्द्रीय कार्यालयका सचिवद्वय श्रीराम ढकाल र ईश्वरी रिजालले जारी गरेको विज्ञप्तिमा अध्यक्षद्वय ओली र पुष्पकमल दाहालको उपस्थितिमा पार्टी केन्द्रीय कार्यालय धुम्बराहीमा कार्यक्रम आयोजना हुने उल्लेख छ । बिहीबार बिहान आयोजित कार्यक्रममा भने अध्यक्ष पुष्पकमल दाहाल, उपाध्यक्ष वामदेव गौतम, गृहमन्त्री तथा सचिवालय सदस्य रामबहादुर थापा, महासचिव विष्णु पौडेललगायतका नेताहरू उक्त कार्यक्रममा उपस्थित थिए।

गत वर्ष पनि नेकपाले फागुन १ गते आयोजना गरेको जनआन्दोलन तथा जनयुद्धका शहीदहरूको स्मृति कार्यक्रममा ओली गएका थिएनन्। बिहीबारको कार्यक्रममा दाहाल र गौतमले मात्रै मन्तव्य राखेका थिए।

यो पनि हेर्नुस:

अब जनयुद्धको नक्कल गरेर विद्रोह असम्भव