राजश्व छली ल्याएको समानसहित मानिस नियन्त्रणमा

१ फागुन काठमाडौं । महानगरीय प्रहरी वृत्त कालिमाटीले अबैध रूपमा भन्सार छली गरी ल्याएका विभीन्न ब्राण्डका  साडीका कपडाहरू सहित १ जनालाई पक्राउ गरेको छ ।

प्रहरीले यही माघ २९ गते काठमाडौं महानगरपालिका-१४ कलंकी स्थित सडकबाट मोरङ विराटनगर महानगरपालिका-८ का दिनेश कुमार साहलाई नियन्त्रणमा लिएको छ । साहको साथबाट १५ थान साडी बरामद गरी थप अनुसन्धानको क्रममा बागबजार स्थित कोठा खानतलासी गर्दा विभिन्न डिजाईनका २ सय २६ थान साडीहरू बरामद गरेको छ ।

यसै गरी सल ३२ थान नेपाली रूपैया ७८ हजार, भारतीय रुपिया ८,९५० विभिन्न बैंक तथा सहकारी संस्थाहरूको २ लाख २४ हजार ५ सय बराबरको चेक बरामद गरेको छ । घटना सम्बन्धमा प्रहरीले अनुसन्धान गरिरहेको छ ।