कुकर बम पड्काई आगजनी गर्ने २ जना पक्राउ

४ फागुन संखुवासभा । चैनपुर नगरपालिका-३ पोखरीस्थित एनसेलको इन्भर्टरमा गत माघ १२ गते राति कुकर बम पड्काई आगजनी भएको घटनामा संलग्न रहेको अभियोगमा २ जनालाई बिहीबार प्रहरीले पक्राउ गरि शनिबार सार्वजनिक गरेको छ । पक्राउ पर्नेहरुमा चैनपुर नगरपालिका-४ बस्ने ४१ वर्षीय अजित राई र सोही ठाउँ बस्ने २० वर्षीय समिन राई रहेका छन् ।

जिल्ला प्रहरी कार्यालय संखुवासभाबाट खटिएको प्रहरीले उक्त घटनामा संलग्न व्यक्तिहरुको खोजी गर्ने क्रममा घटनामा संलग्नमध्ये उनीहरुलाई चैनपुर नगरपालिका-६ स्थितबाट फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।