ट्राफिक सुधार गर्न सुझाव समिति गठन

४ फागुन काठमाडौं । बढ्दो सवारी जामले हैरान पारेको काठमाडौं उपत्यकाको समस्या हल गर्न ट्राफिक महाशाखाले एउटा सुझाव समिति बनाएको छ ।

महानगरीय ट्राफिक महाशाखा प्रमुख एसएसपी भीमप्रसाद ढकालका अनुसार, महाशाखाका प्रवक्ता एसपी जीवन श्रेष्ठको संयोजकत्वमा गठित सुझाव समितिले स्थलगत अध्ययन र सरोकारवालाहरुसँग छलफल गर्ने छ ।

उपत्यकाको ट्राफिक समस्यालाई सहज बनाउने उद्येश्यले गठन गरिएको सुझाव समितिमा प्रहरी निरीक्षक दामोदर सिलवाल र सेवा निवृत्त प्रहरी निरीक्षक सीताराम हाच्छेथु सदस्य रहेका छन् । उपत्यकाका मुख्य जाम हुने सडकको पहिचान गरी आवश्यक सुझाव दिन कार्यादेश दिइएको छ ।