वुहानमा कोरोना भाइरसका कारण वरिष्ठ डाक्टरको मृत्यु

६ फागुन एजेन्सी । महामारीका रुपमा फैलिएको कोभिड–१९ नाम दिइएको नोवेल कोरोना भाइरसका कारण चीनको वुहानमा वरिष्ठ डाक्टरको मृत्यु भएको छ ।

कोभिड–१९ को संक्रमणका कारण तीन डाक्टरको मृत्यु भएको चीनका अधिकारीलाई उद्धृत गर्दै अन्तर्राष्ट्रिय सञ्चारमाध्यम बीबीसीले जनाएकाे छ । वुहानको वुच्याङ्ग अस्पतालका निर्देशक डा. लिउ झिमिङ्गको मृत्यु भएको हो । उनको स्थानीय समय अनुसार मंगलबार बिहान साढे १० बजे मृत्यु भएको चीनको केन्द्रीय टेलिभिजनले जनाएको छ ।

हुबेइ प्रान्तको इज्होउ शहरमा रहेको चाइनिज मेडिसिन हस्पिटलका पूर्व निर्देशक सु डेपुको गएको बिहीबार कोरोना भाइरसका कारण मृत्यु भएको पनि खुलेको छ । अस्तालकी एक नर्सले मंगलबार सुको मृत्यु भएको पुष्टि गरेकी हुन् ।