आज दिनभर आंशिक बदली, साँझपख हल्का वर्षा

११ फागुन काठमाडौं । पश्चिमी न्यून चापीय प्रणालीको प्रभावका कारण देशका अधिकांश क्षेत्रमा आंशिक बदली भएको जल तथा मौसम पूर्वानुमान महाशाखाले जनाएको छ । अहिले देशभर आंशिक बदलीको अवस्था छ ।

आइतबार दिउँसो देशभर आंशिक बदली रहनेछ। साँझपख पहडी भूभागका एक–दुई स्थानमा हल्का वर्षाको सम्भावना रहेको मौसमविदले बताएका छन् । यस्तै राति देशभर बदली हुनेछ । पश्चिमी भू–भागका एक–दुई स्थानमा हल्का वर्षाको सम्भावना रहेको छ।

आगामी तीन दिनको मौसम पूर्वानुमान   

फागुन ११ गते (आईतबार)

दिउँसोः देशभर आँशिक बदली रहनेछ। साँझपख पहडी भू-भागका एक-दुई स्थानमा हल्का वर्षाको सम्भावना रहन्छ।

रातीः देशभर बदली रहनेछ। पश्चिमी भू-भागका एक वा दुई स्थानमा हल्का वर्षाको सम्भावना रहन्छ।

फागुन १२ गते (सोमबार)

दिउँसोः देशभर आँशिक देखि सामान्य बदली रहनेछ। मध्य तथा पुर्वी भू-भाग साथै पश्चिमी पहाडी भू-भागका थोरै स्थानहरुमा मेघ गर्जन/चट्याङ सहित वर्षाको सम्भावना रहन्छ।

रातीः देशको मध्य तथा पुर्वी भू-भागमा आँशिक देखि सामान्य बदली रही पश्चिमी भू-भागमा आंसिक बदली रहनेछ। मध्य तथा पुर्वी भू-भागका थोरै स्थानहरुमा मेघ गर्जन/चट्याङ सहित वर्षाको सम्भावना रहन्छ।

फागुन १३ गते (मंगलबार)

दिउँसोः देशका पहाडी भू-भागमा आँशिक देखि सामान्य बदली रही बाँकि भेगको मौसम सामान्यतया साफा रहनेछ।

रातीः  देशका पहाडी भू-भागमा आँशिक देखि सामान्य बदली रही बाँकि भेगमा मौसम सामान्यतया साफा रहनेछ। पहाडी भू-भागका थोरै स्थानहरुमा मेघ गर्जन/चट्याङ सहित वर्षाको सम्भावना रहन्छ।

आगामी २४ घण्टाका लागि चेतावनी तथा परामर्श Warning/Advisory for next 24 hrs.):–

देशका पहाडी भू-भागका थोरै स्थानहरुमा वर्षा/ चट्याङ को सम्भावना रहेको साथै पुर्वी उच्च पहाडी तथा हिमाली भू-भागका स्थानहरुमा हल्का हिमपातको सम्भावना रहेकोले सतर्कता अपनाउन हुन अनुरोध छ |