ईतिहास बनेको दिनको प्राविधिक बिश्लेषणले के देखाउँछ ?

११ फागुन, काठमाडाैं । वाणिज्य बैंकमा बुल आउँदा साताको पहिलो कारोबार दिन नेप्से परिसूचकमा आज ७० अंक नजिककाे वृद्धि देखाएको छ । नेप्से परिसूचकमा ६९ दशमलव ५६ अंकको वृद्धि हुँदा कारोवार रकम ३ अर्ब ६० करोड पुगेको छ ।

दोश्रो बजार परिसूचक ४ दशमलव ८५ प्रतिशतले वृद्धि हुँदा ८७ लाख ६९ हजार कित्ता शेयर खरीद-बिक्री भएको छ । आज कारोबार रकमले ईतिहास रचेको छ । बजारमा ठुलो हिस्सा रहेको वाणिज्य बैंकमा लगानीकर्ताले आक्रामक शेयर खरिद गर्दा बजारले निकै राम्रो वृद्धि हासिल गरेको हाे ।

आज ट्रेडिङ्ग उपसुचकमा सर्वाधिक ८ दशमलव २५ प्रतिशतको वृद्धि देखिएको छ भने बजारलाई ड्राईभ गर्ने वाणिज्य बैंकको उपसुचकमा ७ दशमलव १५ प्रतिशतको वृद्धि देखिएको छ । आज सम्पूर्ण उपसुचकमा वृद्धि देखिएको छ । होटल उपसूचक भने सामान्य शुन्य दशमलव ६० प्रतिशतको वृद्धि देखिएको छ । आज बजार खुलेबाट नै घट्न मानेको थिएन । आज बजार १ बजेर ३० मिनेट तिर दिनको उच्च विन्दुमा पुगेको थियो । आज बजारको उच्च विन्दु १५०९ दशमलव ९२ को उच्च विन्दुसम्म पुगेको थियो । यसलाई सकारात्मक रुपमा लिन सकिन्छ ।

आज सर्वाधिक कारोवार हुने कम्पनीहरु :

प्राविधिक बिश्लेषण :

पहिलो प्रतिरोध : १५२० पहिलो टेवा : १४८०

• नेप्सेले आज १४६० को प्रतिरोधलाई तोडेपछि बजार पुन बढी रहेको दखिन्छ । आज बजार १५०४ दशमलब १४ को विन्दुमा बन्द भएसंगै हालसम्म कै उच्च कारोबार भएको छ ।
• आजको मैनबत्तीले “बुलिस मारुबोजु” को चित्र बनाएको छ । यसले आज बजारमा खरिदकर्ताको चाप रहेको जानकारी गराउनको साथै केही समयसम्म बजार बढ्न सक्ने सम्भावना रहन्छ ।
• दैनिकी अवधिमा “आरएसआई” ८६ दशमलब ०१ को बिन्दुमा छ । यो अक्सिलेटरले बजारमा शेयर बढी खरिद भएको तर बजार सच्चिई हाल्ने देखिदैन् ।
• “एडिएक्स” तथा जोड- बिजोड “डाइरेक्सनल इन्डेक्स”हरुले बजारमा खरिदकर्ताको चाप रहेको  जानकारी गरेको छ ।
• “अन ब्यालेन्स भल्यूम” र बजारको प्रवृत्ति सकारात्मक रहेको जनाएको छ ।
• नेप्से बढेमा पहिलो प्रतिरोध १५२० को क्षेत्रमा पाउने देखिन्छ र घटेमा पहिलो टेवा १४८० को क्षेत्रमा पाउने देखिन्छ ।