होटेल संचालकसहित १० जना जुवाडे पक्राउ

१९ फागुन रुपन्देही । गैँडहवा गाउँपालिका-६ गुलरीया चोकस्थित न्यू भिजन होटेलमा जुवातास खेलिरहेको अवस्थामा सोही होटेलका संचालकसहित १० जना पक्राउ परेका छन् ।

होटल संचालक कञ्चन गाउँपालिका-३ बस्ने ३२ वर्षीय प्रबिन रहेको प्रहरीले जानकारी दिएको छ । उक्त होटेलमा जुवातास खेलिरहेको भन्ने सूचनाको आधारमा जिल्ला प्रहरी कार्यालय रुपन्देहीबाट खटिएको प्रहरीले उनीहरुलाई पक्राउ गरेको हो ।

उनीहरुको साथबाट नगद १ लाख ९ हजार ३ सय ४५ रुपैयाँ, भारतीय रुपैयाँ २२ हजार ९५, १० थान मोबाइल, ४ वटा मोटरसाइकल र १ वटा अटो रिक्सा समेत प्रहरीले बरामद गरेको छ । यस सम्बन्धमा प्रहरीले थप अनुसन्धान गरिरहेको छ ।