सगरमाथा सम्वाद स्थगित

१९ फाल्गुण, काठमाडौं । कोरोना भाइरसको सन्त्रासले भयाभय रुप लिन थालेपछि सरकारले गर्न लागेको सगरमाथा सम्वाद कार्यक्रम हाललाई स्थगित गरेको छ ।

यस सम्बन्धमा जानकारी दिन आज परराष्ट्र मन्त्रालयमा आयोजित पत्रकार सम्मेलनमा यस्तो जानकारी दिइएको हो ।परराष्ट्रमन्त्री प्रदीपकुमार ज्ञवालीले भने – कोरोना संत्रासले सबैलाई सताएकाले हाललाई सगरमाथा सम्वाद स्थगन गरेका हौं । सरकारले आगामी चैत महिनामा यस्तो कार्यक्रम गर्न लागेको थियो ।

हरेक दुई वर्षमा गर्ने भनिएको सगरमाथा सम्वादमा विश्वका विभिन्न मुलुकका प्रतिनिधि बोलाएर नेपालले गरेका उपलव्धिबारे जानकारी दिइने कार्यक्रम नै सगरमाथा सम्वाद हो । यसपटक जलवायु परिवर्तनमा नेपालले अपनाएको रणनीति र प्राप्त उपलव्धिबारे विश्वलाई जानकारी गराउने कार्यक्रम तय गरिएको थियो ।