हाजिरी मेशिनबाट कोरोना भाइरस सर्ने खतरा तर सरकार उदासिन

२१ फाल्गुण, काठमाडौं । आधुनिक प्रविधिको प्रयोग गर्दै नेपाल सरकार लगायत निजी क्षेत्रले आफ्ना कर्मचारीको हाजिर नियमित गर्न प्रयोगमा ल्याएको हाजिरी मेशिन कोरोना संक्रमण गराउने अर्को भयावह खतराको रुपमा देखिएको छ ।

अफिसका सबै कर्मचारीहरुले एकै मेशिनमा औला घुर्सादै हाजिर गर्दा तथा फेसरिडिङ मेशिनमा नजिकै गएर हेर्दा सो मेशिनमा कथम्कदाचित संक्रमण भैहाले कार्यालयका पुरै कर्मचारी र सोमार्फत कार्यालयका पुरै परिवारमा कोरोना संक्रमण हुनेसक्ने खतरा रहेको चिकित्सकहरुको भनाई रहँदै आएको छ ।

कोरोना भाइरस मानिसबाट मानिसमा पसिना वा आँखा जुधाउँदा पनि सर्न सक्ने चिकित्सकहरुले बताइरहदाँ यदि कुनै कर्मचारीमा कोरोना संक्रमण रहेछ भने उपरोक्त हाजिर मेशिन वा फेसरिडिङ मेशिनमा भाइरस सर्ने संम्भावना हुने डर कर्मचारीहरुमा पैदा भएको हो ।

तर यस विषयमा सम्बन्धित पक्षहरु मौन देखिएपछि कर्मचारीहरुमा आंतक छाएको छ । कोरोनाको महामारी साम्य नहुञ्जेलसम्म कम्तीमा हाजिरी मेशिनबाट हाजिर गर्ने वर्तमान प्रावधान स्थगित गर्न र हरेक कर्मचारीका लागि छुट्टाछुट्टै व्यक्तिगत हाजिरी कपीको व्यवस्था गर्न कर्मचारीहरुले माग गरेका छन् ।