कोरोना भाइरस : त्रसित नबनौं, सतर्क बनौं

२३ फागुन काठमाडौं । नेपाली कांग्रेसका प्रवक्ता विश्वप्रकाश शर्माले कोरोना संक्रमित मुलुकको यात्रामा रोक लगाउन सरकारसँग आग्रह गरेका छन्।

कांग्रेस प्रवक्ता शर्माले शुक्रबार दिउँसो सामाजिक सञ्जालमा त्रसित नबनौं सतर्क बनौं शिर्षकको भिडियो सन्देश जारी गरि दशा बाजा बजाएर आउदैन भन्दै कोरोना भाइरसको संक्रमण फैलिएका देशमा नेपालीको भ्रमणमा तत्काल रोक लगाउन समेत सरकारसँग माग गरेका हुन् ।

भिडियो सन्देशमा प्रवक्ता शर्माले विश्व स्वास्थ संगठन ‘डब्लूएचओ’ ले नेपालाई कोरोना भाइरस संक्रमणको उच्च जोखिममा राखेपछि कांग्रेसले फागनु २१ गतेबाट पार्टी र पार्टीसँग आबद्ध संस्थाहरूका सबै तहका ठूला भेला, सम्मेलन र सभालगायतका कार्यक्रम स्थगित गरिसकेको जनाएका छन्। साथै कांग्रेसले पार्टी र आबद्ध संस्थाहरूमार्फत् कोरोना संक्रमणका बारेमा ‘शहरदेखि गाउँसम्म र गाउँको टोल हुँदै घरघरसम्म’ सतर्कता र चेतना अभियान पनि सञ्चालन गरिरहेको छ ।

यसअघि कांग्रेसले फागुन १९ गते पत्रकार सम्मेलन गरेर कोरोना भाइरसबारे ‘सरकार र समुदायका नाममा १४ बुँदे अपिल’ जारी गरेर सरकारलाई उच्च सतर्कता अपनाउन आग्रह गरेको थियो ।

Corona Virus (Covid 19) त्रसित नबनौं सतर्क बनौं 

सूचना सञ्चार तथा प्रचार विभाग ।
नेपाली कांग्रेस I