पूर्वमा कुख्यात तस्कर मुरारी गुप्ताको सुपारी र मरिचको लाइन सूचारु

२४ फाल्गुण, विराटनगर । देश कारोना भाइरसले आक्रान्त भैरहेको बेला पूर्व क्षेत्रमा भने सुपारी र मरिचको तस्करीधन्दा मौलाएको खबर छ । नेपाल भारतका चर्चित सुपारी तस्कर मुरारी गुप्ताले यतिबेला सुनसरीको इनरुवा नाका कोशी ब्यारेज तथा सिरहाको ठाडी नाकाबाट व्यापक रुपमा सुपारी र मरिचको तस्करीधन्दा चलाएको समाचार प्राप्त भएको छ ।

स्थानीय प्रहरी प्रशासन, भन्सार कर्मचारी तथा केही नेताहरुलाई मिलाएर कुख्यात तस्कर मुरारी गुप्ताले धन्दा चलाएका हुन् । तस्कर गुप्ता भारतीय नागरिक हुन तर अहिले उनी विराटनगरमा भव्य फ्ल्याट लिएर बस्न थालेका छन् । कहिले विराटनगर त कहिले सिरहाको ठाडीमा बसेर गुप्ताको धन्दा फस्टाउँदो छ ।

ठाडीमा उनका पुराना मित्र गोपाल साहसँग मिलेर तस्करीधन्दा चलाउने गुप्ताले मासिक ५० लाखभन्दा बढी लाइन बाड्न नै खर्च गर्ने गरेको बताइन्छ । गोपाल साहको ठाडीस्थित सीमा प्रहरी चौकी अगाडि नै भव्य मकान रहेको छ । गोपाल धान चामल, गहुँ तथा मकैको गद्दी राखेर व्यापार व्यवसाय गर्दै आएका छन् । मुरारी पुराना सुपारी तस्कर हुन् ।