नेकपा राष्ट्रियताको गफ हानेर जनता ठग्ने, मधेशबादीले अधिकार लुट्ने !

२७ फागुन सर्लाही । नेकपाले राष्ट्रबाद तथा मधेशको बिरोध गरेर हिमाल पहाड र मधेशवादी दलले अधिकारको नाममा मधेशलाई लुटन बाहेक अरु केहि नगरेको नेपाली कांग्रेसका केन्द्रिय सदस्य तथा पूर्व सांसद जंगिलाल रायले आरोप लगाएका छन्।

सर्लाहीको ब्रम्हपुरी गाउँपालिका–६, नोकेल्वामा सोमवार नेपाली कांग्रेसको होली मिलन तथा समान कार्यक्रममा बोल्दै केन्द्रिय सदस्य रायले प्रधानमन्त्री केपी शर्मा ओलीले झुठो राष्ट्रियताको गफ हानेर जनता ठग्ने काम गरेको र मधेशबादी दलका नेता राजेन्द्र महतोले मधेशको अधिकारलाई लिएर मधेश लाई लुटेको आरोप लगाएका हुन्।

उनले नेकपाको दुई तिहाईको सरकारले देशमा कुनै पनि उल्लेखिय कार्य गर्न नसकेको र मधेशबादी दलले प्रदेश २ मा आफनो सरकार बनाए पनि बिकास गर्नुको सट्टो भ्रष्टाचारमा लिप्त रहेको नेता रायले बताए । प्रदेश २ सरकारले सानो सानो विकासे योजना बनाएर उपभोक्ता समिति मार्फत चरम भ्रष्टाचार गरेको आरोप लगाउका छन् । केपि ओली र राजेन्द्र महतो एक अर्कासँग मिलेर मधेश,पहाड हिमालको बाडफाँड गरेको पुर्व सांसद समेत रहेका नेता रायले बताए ।

त्यस्तै नेपाली कांग्रेसका अर्का केन्द्रिय सदस्य नेता शम्भुलाल श्रेष्ठले कांग्रेस गुट उपगुटका कारण प्रतिपक्षीको भुमिका खेल्न नसकेको बताए । उनले कांग्रेसको गुट उपगुट अगामी आउने १४ औ अधिवेशनबाट अन्त्य गर्ने तर्फ हामि लाग्यो भने मात्र हामी राम्रो प्रतिपक्षको भुमिका खेल्न सक्ने नेता श्रेष्ठले बताए ।

त्यस्तै कार्यक्रमको अवसरमा काँगे्रसको केन्द्रीय सदस्यमा मनोनित राय र आमन्त्रित केन्द्रीय सदस्यमा मनोनित श्रेष्ठलाई सम्मान गरिएको छ । कांग्रेस ब्रम्हपुरी गाउँ कार्य समितिका सभापति इन्दल रायको अध्यक्षता एवं पार्टी जिल्ला सभापति नागेन्द्र कुमार रायको प्रमुख आतिथ्यतामा आयोजित कार्यक्रमका वक्ताहरुले पार्टी विधि संवत ढंगले सञ्चालन नभएकाले यसतर्फ नेतृत्व सचेत हुनुपर्ने बक्ताहरुले जोड समेत दिए।

कार्यक्रममा मलंगवा नगरपालिका प्रमुख निरशल साह ,नेताहरु बिनोढ खनाल,प्रमोद बराल, दिनेश मिश्रा लगायतको उपस्थिति रहेको आयोजकले जनाएको छ ।