सबै देशको श्रम स्वीकृति रोकियो, १४ मार्च देखि नेपाल प्रवेश गर्ने सबै १४ दिनसम्म क्वारेन्टाइनमा बस्नुपर्ने

३० फागुन, काठमाडौं । कोरोना भाइरसको महामारी बढेसंगै नेपाल सरकारले तत्कालका लागि श्रम स्वीकृति दिन स्थगित गरेको छ ।

उपप्रधानमन्त्री एवम् रक्षामन्त्री ईश्वर पोखरेलको अध्यक्षतामा विहिवार बसेको उच्चस्तरीय समन्वय समितिको बैठकले कोरोना भाइरस रोकथामका उपायस्वरुप यस्तो निर्णय गरको हो । बैठकले अर्को सुचना नभएसम्मका लागि श्रम स्वीकृति दिन स्थगित गर्ने निर्णय गरेको छ ।

विदेशीहरुलाई दिइँदै आएको अनअराइभल भिसा १४ मार्च २०२० देखि ३० अप्रिल २०२० सम्मका लागि स्थगित गरिएको छ भने तेस्रो मुलुकका नागरिकहरुलाई स्थलमार्ग हुँदै नेपाल प्रवेशमा दिइँदै आएको सुविधा पनि सो समय सम्मको लागि स्थगित गरिएको जनाएको छ । समितिले १४ मार्च २०२० देखि नेपाल प्रवेश गर्ने नेपाली, गैरआवासीय नेपाली र विदेशीहरुले १४ दिनसम्म क्वारेन्टाइनमा बस्नुपर्ने निर्णय समेत गरके छ ।