आज मेघगर्जन र चट्याङ्गसहित वर्षा, पश्चिममा हिमपात

११ चैत्र, काठमाडौं । जल तथा मौसम विज्ञान विभाग मौसम पूर्वानुमान महाशाखाले मंगलबार आंशिक बदली हुने जनाएको छ । महाशाखाका अनुसार अहिले नेपालमा पश्चिमी वायूको आंशिक प्रभावका साथै स्थानिय वायूको समेत प्रभाव रहेको छ।

जल तथा मौसम पूर्वानुमान महाशाखाले पश्चिमी भू-भागमा आँशिक देखि सामान्य बदली रहेकोछ भने मध्य र पश्चिमका पहाडी भेगमा आंशिक बदली रहेको जनाएको छ।

महाशाखाका अनुसार पश्चिमि भू-भागमा सामान्य बदली रही बाँकी भू-भागमा आंशिक देखि सामान्य बदली रहनेछ । पश्चिमि पहाडि भू-भागका थोरै स्थानहरूमा र मध्य र पुर्वका पहाडी भू-भागका एक दुइ स्थानमा मेघ गर्जनरचट्याङ्ग सहित क्षणिक वर्षाको सम्भावना रहेको छ । यस्तै आज पश्चिमि हिमाली भू-भागमा हल्का हिमपातको सम्भावना रहेको छ ।

आगामी तीन दिनको मौसम पूर्वानुमान

चैत्र ११ गते (मंगलबार)

दिउँसोः देशको पश्चिमि भू-भागमा सामान्य बदली रही बाँकी भू-भागमा आंशिक देखि सामान्य बदली रहनेछ । पश्चिमि पहाडि  भू-भागका थोरै स्थानहरूमा र मध्य र पुर्वका पहाडी भू-भागका एक दुइ स्थानमा मेघगर्जन/चट्याङ्गसहित क्षणिक वर्षाको सम्भावना रहेको छ । पश्चिमि हिमाली भू-भागमा हल्का हिमपातको सम्भावना रहेको छ ।

रातीः देशको पश्चिमि भू-भागमा सामान्य बदली रही बाँकी भू-भागमा आंशिक बदली रहनेछ । देशको पश्चिमि पहाडि भू-भागका थोरै स्थानहरुमा मेघगर्जन/ चट्याङ्गसहित हल्का वर्षाको सम्भावना रहेको छ । पश्चिमि हिमाली भू-भागमा हल्का हिमपातको सम्भावना रहेको छ ।

चैत्र १२ गते (बुधबार)

दिउँसोः देशको मध्य र पुर्वि भू-भागमा आँशिक देखि सामान्य बदली रही बाँकी भू-भागमा आँशिक  बदलि हुने देखिन्छ।पुर्व र मध्यका पहाडि  भू-भागका एक दुइ स्थानमा मेघगर्जन/चट्याङ्गसहित क्षणिक वर्षाको सम्भावना रहेको छ ।

रातीः देशको पहाडी भू-भागमा आँशिक देखि सामान्य बदली रही बाँकी भू-भागमा आंशिक बदली रहनेछ। पूर्वी र मध्य भू-भागका थोरै स्थानहरूमा मेघगर्जन/चट्याङ्गसहित क्षणिक वर्षाको सम्भावना रहेको छ । पूर्वी र मध्य  हिमाली भू-भागमा हल्का हिमपातको सम्भावना रहेको छ ।

चैत्र १३ गते (बिहिबार)

दिउँसोः देशको पश्चिमि भू-भागमा आँशिक देखि सामान्य बदली रही बाँकी भू-भागमा आँशिक  बदलि हुने देखिन्छ। पश्चिमि पहाडि  भू-भागका एक दुइ स्थानमा मेघगर्जन/चट्याङ्गसहित क्षणिक वर्षाको सम्भावना रहेको छ ।

रातीः देशको पश्चिमि भू-भागमा आँशिक देखि सामान्य बदली रही बाँकी भू-भागमा आँशिक  बदलि हुने देखिन्छ। पश्चिमि पहाडि  भू-भागका एक दुइ स्थानमा मेघगर्जन/चट्याङ्गसहित क्षणिक वर्षाको सम्भावना रहेको छ ।

।

आगामी २४ घण्टाका लागि चेतावनी तथा परामर्श 

देशका पहाडी भू-भागमा आँशिक देखि सामान्य बदली भई मेघगर्जन/चट्याङ्गसहित क्षणिक वर्षाको  संभावना रहेकोले चट्याङ्गबाट जोगिन आवश्यक सतर्कता अपनाउन हुन अनुरोध छ।