उच्च सतर्कता अपनाउन आग्रह गर्दै माक्स वितरण

११ चैत्र, झापा । राष्ट्रिय प्रजातन्त्र पार्टीको मेचीनगर नगरपालिका इकाईले कोरोना भाइरस संक्रमण सम्बन्धमा सचेतना कार्यक्रम संचालन गरेको छ ।

काकडभिट्टा नाकामा संचालित कार्यक्रमको अवसरमा स्थानीय जनसमुदायलाई कोरोना संक्रमण रोकथाम विधीसम्बन्धी जानकारी उपलब्ध गराउदै राप्रपाका कार्यकर्ताहरुले माक्ससमेत वितरण गरेका थिए ।

राप्रपाका स्थानीय नेता दिपेश राईका अनुसार, कोरोना संक्रमणका बारेमा उच्च सतर्कता अपनाउने भन्ने राप्रपाको केन्द्रीय नीति अनुकूल स्थानीय तहमा सचेतना कार्यक्रम सचालन गरिएको हो ।

कार्यक्रममा राप्रपाका स्थानीय नेताहरु नरेश मोहोरा, नेत्र कार्की, सुशील आचार्य, सबिना बजगाई, लक्ष्मण सुब्बा, राजन प्रसाई लगायतको उपस्थिति थियो ।