कर्मचारीदेखि सांसदले गरे सामाजिक सञ्जालमार्फत सहयोगको घोषणा
नेपालबहस संवाददाता
चैत १३, २०७६ बिहिबार १६:२३:५०
१३ चैत्र, खोटाङ । विश्वभर फैलिएको कोरोना भाइरसको सङ्क्रमण नियन्त्रण तथा उपचार कोषका लागि खोटाङमा कर्मचारीदेखि सांसदसम्मले सहयोग घोषणा शुरु गरेका छन् । उनीहरुले सामाजिक सञ्जाल फेसबुकमा स्टाटस लेखेर कोरोनाको कारण सङ्कटको सामना गरिरहेको नेपाल सरकारको सहयोगार्थ राज्यबाट आफूले पाउने पारिश्रमिक प्रदान गर्ने घोषणा गरेका हुन् ।
प्रतिनिधिसभा सदस्य विशाल भट्टराईले एक महिनाको पारिश्रमिक ‘कोरोना भाइरस सङ्क्रमण रोकथाम नियन्त्रण तथा उपचार कोष’मा जम्मा गर्ने घोषणा गरेका छन् । खोटाङबाट निर्वाचित प्रतिनिधिसभा सदस्य भट्टराईले कोरोनाको कारण सङ्कटको सामना गरिरहेको सरकारको सहयोगार्थ महिना दिनको सेवासुविधावापतको पारिश्रमिक कोषमा जम्मा गरिदिने सामाजिक सञ्जालमार्फत घोषणा गरेका हुन् ।
सङ्कटको समयमा राज्यलाई सकेको सहयोग गर्नु प्रत्येक नागरिकको दायित्व भएकाले कोरोनाको सङ्क्रमण रोकथामका लागि सरकारले स्थापना गरेको सो कोषमा सहयोग गर्ने घोषणा गरेको नेपाल कम्युनिष्ट पार्टी ‘नेकपा’का केन्द्रीय सदस्यसमेत रहेका भट्टराईले बताए। “सङ्कटको सामना गर्न मुलुक एकताबद्ध भएर अघि बढ्नुको विकल्प छैन”, उनले भने, “जसले जे सक्छ, त्यही सहयोग गर्नु प्रत्येक नेपालीको काँधमा जिम्मेवारी आएको छ । त्यसैले देशलाई सङ्कटबाट जोगाउन आ–आफ्नो क्षेत्रबाट सरकारलाई सक्दो सहयोग गरौँ ।”
सांसद भट्टराईले त्रासले होइन साहसले, बेवास्ताले होइन सचेतनाले आफूलाई बचाउँदै अरूलाई पनि बचाउन सरकारको निर्देशन पालना गर्नुपर्ने अवस्था आएको बताए। यस्तै, हलेसी तुवाचुङ नगरपालिकाका नगरप्रमुख इवन राई र साकेला गाउँपालिकाका गाउँपालिका प्रमुख अर्जुनकुमार खड्का ‘झङ्कार’ले एक–एक महिनाको पारिश्रमिक कोषमा जम्मा गर्ने बताए । यसैगरी जन्तेढुङ्गा गाउँपालिकाका प्रमुख शङ्करमान राईले पनि दुई महिनाको पारिश्रमिक कोषमा जम्मा गर्ने बताए ।
यसैबीच, ऐसेलुखर्क गाउँपालिकामा कार्यरत कर्मचारीले पाँच दिन बराबरको तलब उपचार कोषमा जम्मा गर्ने निर्णय गरेको छ । गाउँपालिकामा कार्यरत ८७ कर्मचारीले पाँच दिनको तलब कोषमा जम्मा गर्ने निर्णय गरेका हुन् । विश्वभर फैलँदै गएको कोरोना भाइरस ‘कोभिड–१९’ को सङ्क्रमण रोकथामका लागि जिल्लाका १० वटै स्थानीय तहले उच्च सतर्कता अपनाएको छ । दुई नगरपालिका र आठ गाउँपालिका रहेको जिल्लामा हरेक स्थानीय तहले आ–आफ्नो क्षेत्रमा क्वारेन्टाइन निर्माण गरेर तयारी अवस्थामा राखेको छ ।
जिल्लाको सबैभन्दा ठूलो दिक्तेल रुपाकोट मझुवागढी नगरपालिकाले ३६ श्ययाको क्वारेन्टाइन निर्माण गरेको छ भने दोस्रो ठूलो हलेसी तुवाचुङ नगरपालिकाले २० श्ययाको निर्माण गरेको छ । जिल्लाका अन्य स्थानीय तहले पनि आ–आफ्नो क्षेत्रमा क्वारेन्टाइन निर्माण गरेर चौबीसै घण्टा स्वास्थ्यकर्मी खटाएको छ । ल्लामा स्थापना गरिएको क्वारेन्टाइन तथा आइसोलेसन वार्डका लागि हरेक स्थानीय तहले कोष खडा गर्ने तयारी गरेको जनाइएको छ । तत्कालका लागि कर्मचारीको तलबबाट स्थापना गरिएको क्वारेन्टाइन तथा आइसोलेसन वार्डका लागि थप रकम सङ्घीय सरकार तथा प्रदेश सरकारसमक्ष माग गरिएको जिल्ला समन्वय समिति खोटाङका प्रमुख एवं अस्पताल विकास समितिका अध्यक्ष बबि चाम्लिङले बताए ।
जिल्ला समन्वय समितिका प्रमुख एवं अस्पताल विकास समितिका अध्यक्ष चाम्लिङको संयोजकत्वमा कोरोना भाइरस रोकथाम नियन्त्रण जिल्ला समन्वय समितिसमेत गठन गरिएको छ । जिल्लाका १० वटै स्थानीय तह, जिल्ला प्रशासन कार्यालय, जिल्ला प्रहरी कार्यालय, नेपाली सेना, सशस्त्र प्रहरी, राष्ट्रिय अनुसन्धान, जिल्ला अस्पताल, रेडक्रस र उद्योग वाणिज्य सङ्घका प्रमुख तथा प्रतिनिधि सदस्य रहने गरी समिति गठन गरिएको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रेम साधक होइन, बाधक हो !! ह्याप्पी भ्यालेन्टाइन !!
फागुन २, २०८० बुधबार
प्रदर्शनरत अभियन्ताहरू राजनीतिक स्वार्थले संवादमा आएनन् : मेयर शाह
असोज ८, २०८० सोमबार
नेम्वाङले ओलीलाई भनेका थिए, ‘संविधान जारी गर्नबाट रोकियो भने देश नै सकिन्छ’
भदौ २९, २०८० शुक्रबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
आज सुनको मूल्य घट्यो, कतिमा हुँदै छ कारोबार ?
जेठ १, २०८१ मंगलबार
दैनिक सूर्य नमस्कार गर्दा यी १० समस्याबाट छुटकारा मिल्छ
जेठ १, २०८१ मंगलबार
राष्ट्रियसभाको बैठक कार्यसूचीमा प्रवेश नगरी स्थगित
जेठ १, २०८१ मंगलबार
कांग्रेसको अवरोधपछि प्रतिनिधिसभाको बैठक स्थगित
जेठ १, २०८१ मंगलबार
क्रिकेटर सन्दीप लामिछानेको मुद्दा हेर्दाहेर्दैमा
जेठ १, २०८१ मंगलबार
प्रतिनिधि सभाको बैठकमा कांग्रेसको अवरोध, छानबिन समितिको माग गर्दै नाराबाजी
जेठ १, २०८१ मंगलबार