विद्युत महसुलमा छुट दिइने

१४ चैत्र, काठमाडौं । सरकारले एक सय ५० युनिटसम्म प्रयोग गर्ने विद्युत ग्राहकलाई यो महिना अर्थात चैतका लागि महसुलमा २० प्रतिसत छुट दिने भएको छ । उर्जा मन्त्री वर्षामान पुनको अध्यक्षतामा आज मन्त्रालयमा बसेको नेपाल विद्युत् प्राधिकरण सञ्चालक समितिको बैठकले यस्तो निर्णय गरेको हो ।

सञ्चालक समितिको निर्णय मन्त्रिपरिषद बैठकमा लगेर अनुमोदन गराउने जानकारी दिंदै मन्त्री पुनले सकेसम्म विद्युतीय चुल्हो प्रयोग गर्ने वातावरण तयार गर्न सञ्चालकहरुलाई निर्देशन दिएका छन् । देशभर लकडाउन भएका बेला ग्यासको चरम अभाव हुने अवस्था छ । त्यसैले सकेसम्म विद्युत खपत बढाउने स्कीम लिएर आउनुहोस् – मन्त्री पुनले सञ्चालकहरुलाई भनेका थिए ।

देशमा लकडाउन सुरु भएयता उद्योगधन्धा बन्द भएकाले घरयासी खपतका लागि मात्र माग छ, त्यसैले हामीले सकेसम्म विद्युत् खपत हुने हरेक वातावरण तयार गर्नु पर्छ – मन्त्री पुनको भनाई थियो । आगामी वर्षदेखि स्वदेशमै धेरै विद्युत उत्पादन हुने अवस्थाबारे सञ्चालकहरुबीच लामो छलफल भएको थियो । यो उपयुक्त अवसर पनि हो हाम्रा लागि वैठकमा मन्त्री पुनले भनेको जानकारी दिंदै एकजना सञ्चालकले नेपाल बहससँग खुलासा गरे ।

आगामी वर्षदेखि हाम्रो उत्पान नै माग भन्दा बढी हुने अवस्था छ , त्यसैले लकडाउनलाई अवसरका रुपमा प्रयोग गरौं भन्ने सल्लाह भएकोले नै यस्तो निर्णय भएको जानकारी ती सदस्यले दिए । एलपी ग्यासको अभाव हुने अवस्था पटक्कै छैन,तर हामीले वाध्यत्मक रुपमा आधा सिलिण्डर मात्र भर्न निर्देशन दिएका छौं – उनले बताए । विद्युतको खपत नबढाउने हो भने हामीलाई ठूलै समस्या आउनेवाला छ भन्दै उनले थपे– अहिले पनि हामीले भारतसँग विद्युत् किनिरहेका छौं ।

पहिल्यै सम्झौता भएकाले वाध्यतावश हामीले लिनुपर्ने भएको छ , यद्यपि हामीले विद्युत आपूर्ति कटौती गराएका छौं , तर महसु भने तिर्नै पर्छ । त्यही भएकाले हामीले ग्यास आपूर्तिमा केही निर्ममता अपनाएका हौं – उनले भने । विद्युतीय चुल्हो प्रयोगलाई प्रोत्साहन गर्ने