बाहिरबाट वालिङ आउनेलाई क्वारेन्टाईनमा राखिने
नेपालबहस संवाददाता
चैत १५, २०७६ आइतबार १:३२:५५
१५ चैत्र, स्याङ्जा । सरकारले मुलुकलाई लकडाउन गरेको आज पाँचौ दिन । एक साताका लागि गरेको लकडाउन पाँचौ दिनसम्म आईपुग्दा स्याङ्जाका प्रशासन, स्थानीय निकाय, राजनीतिक दल, सामाजिक संघसंस्थाले दैनिक चासो देखाउन थालेका छन् ।
विश्वलाई च्यालेन्ज गरेको कोरोना भाइरसले नेपाललाई पनि उच्च जोखिममा देखाउन थालेपछि सरकारले यसबाट बच्न र बचाउन लकडाउन गरेको हो । यसलाई मध्यनजर गर्दै वालिङ नगरपालिकाले पनि नगरभित्र रहेका सबै सरोकारवाल निकायसँग यसबाट सचेत रहन के के गर्नुपर्ला भन्ने विषयमा अन्र्तरक्रिया गरेको छ ।
वालिङ नगर प्रमुख दीलिपप्रताप खाँणको अध्यक्षता बसेको इलाका प्रशासन कार्यालय, वडा प्रहरी कार्यालय, सशस्त्र प्रहरी, वालिङ उद्योग वाणिज्य संघ, विभिन्न राजनीतिक दलका प्रतिनिधि, नागरिक समाज, स्वास्थ्यकर्मी, संचारकर्मी, समाजसेवी लगायत सामाजिक अगुवाहरुलाई बोलाएर कोरोनाको संक्रमणलाई रोक्न के कस्ता पहलकदमी चाल्न सकिन्छ भन्ने विषयमा अन्तरक्रिया गरेको हो ।
नगरपालिकाले आयोजना गरेको अन्तरक्रियामा सहभागीहरुले अहिलेसम्मको अवस्था ठिक भएपनि अबका दिनका लागि अझै सचेत गराउन सबै नगरवासीलाई सचेतना फैलाउनु पर्ने सुझाव पेश गरेका थिए । अहिलेसम्म वालिङ नगरपालिकामा बाहिरी देशबाट आएका ८३ जनालाई होम क्वारेन्टाईनमा राखिएको छ । क्वारेन्टाईनमा राखिएकाको निगरानीसँगै उनीहरुको सम्मानमा आँच नआउने खालको काम गर्न पनि भेलाले सुझाव दिएको छ ।
चौथो कोरोना भाइरस देखिएको कैलालीलाई मध्यनजर गर्दै भेलाले अब वालिङ आउने व्यक्तिलाई क्वारेन्टाईनमा राख्न आग्रह गरिएको छ । अन्तरक्रियामा वालिङ उद्योग वाणिज्य संघका अध्यक्ष शोभाकान्त पौडेल, नेकपाका वालिङ नगर कमिटी सचिव रमेश अर्याल, नेपाली कांग्रेसका नगर कार्यवहाक सभापति भीमलाल सुवेदी, वडा प्रहरी कार्यालयका प्रमुख निरन्जन घिमिरे लगायतका वक्ताहरुले दैनिक उपभोग्य सामानको अभाव हुन नदिन, सुरक्षाकर्मी, स्वास्थ्यकर्मीलाई सुरक्षित सामाग्रीको उपलव्धता, शहर भन्दा ग्रामिण क्षेत्रमा जनताको असुरक्षा, सबै नागरिकलाई दुरी कम गर्ने सचेतना जस्ता बिषयमा ध्यान दिनुपर्ने लगायतका सुझावहरु आएका थिए । जनतालाई सुरक्षित बनाउन प्रशासनले विभिन्न उपाय अवलम्वन गरेको छ, इलाका प्रशासन कार्यालयका प्रमुख दामोदर शर्माले भने,“प्रशासनले दिएको सुझावलाई जनताले कार्यन्वयन गर्नुपर्छ ।” सबै नागरिकको समस्यालाई बुझेर सोही अनुसार आवागमनको व्यवस्था मिलाएका छौ, उनले भने ।
सामान्य ज्वरो, रुघाखोकीका बिरामीलाई स्वास्थ्यकर्मीले चेकजाँच गर्न नमान्ने, एम्वुलेन्सले बिरामी बोक्न नमान्ने समस्यालाई समाधान गर्ने बाटो तय गर्न सबै जानप्रतिनिधिहरुले सुझाएका छन् । भेलाबाट आएको निष्कर्षसहित नगरपालिकाले १० वटा निर्णय गरेको छ । सुरक्षाकर्मी, स्वास्थ्यकर्मी, संचारकर्मी, जनप्रतिनिधि लगायतलाई सुरक्षाका लागि पीपीई दिने, सबै नगरपालिकालाई सुरक्षित गर्न किट छर्कने, जसको खरिदका लागि कोष खडा गर्ने, मजदुरी गरेर खानेहरुका लागि खानाको व्यवस्था लगायतका निर्णय गरिएको वालिङ नगर प्रमुख दीलिपप्रताप खाँणले बताए । नगरपालिकालाई सुरक्षित राख्न अझै कडा लकडाउन गर्ने अवस्थामा जाने प्रयासमा छौं, नगर प्रमुख खाँणले भने,“ कुनै नागरिकले अटेरी गर्ने, घरबाट बाहिर हिड्ने जस्ता क्रियाकलाप गरेका सिधै क्वरेन्टाईनमा राख्नेछौं ।” सबै नगरबासीले यस्तो संक्रमणबाट जोगाउन र जोगिन सहयोग गर्न आग्रह गर्दछु, उनले भने ।
वालिङ नगरपालिकाले स्थापना गरेको क्वारेन्टाईनमा भने अहिलेसम्म कसैलाई राखिएको छैन । बाहिरबाट आउनेहरुलाई होम क्वारेन्टाईनमै बस्न अनुरोध गरि घरमै राखिने व्यवस्था मिलाइएको छ । सबै नगरबासीको समस्यामा नगरपालिका सधै साथमा रहने उपप्रमुख कल्पना तिवारीले बताईन । नगरपालिकालाई सघाउन र सुझाव दिन तिवारीले सबैलाई आग्रह गरिन् । अहिलेसम्म होम क्वारेन्टाईन, क्वारेन्टाईन र सेल्फ क्वारेन्टाईनमा गरी स्याङ्जामा ४६६ जनालाई राखिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपवालिङमा छोरी जन्माउनेलाई निःशुल्क स्वास्थ्य बीमा
बैशाख १४, २०८१ शुक्रबार
पर्वतका ७० वनमा डढेलो, एक हजार चार सय हेक्टर जङ्गल नष्ट
बैशाख १३, २०८१ बिहिबार
मनाङको नाम्के खर्कबाट यार्सागुम्बा संकलन सुरु
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
न्युरोडबाट १ किलो ८ सय ग्राम सुन र १ करोड ४३ लाख रकमसहित ७ पक्राउ
बैशाख १४, २०८१ शुक्रबार
टियुमा अभ्यास गर्दै वेस्ट इन्डिज 'ए' टिम
बैशाख १४, २०८१ शुक्रबार
रेशम चौधरीको मुद्दामा मिसिल झिकाउन सर्वाेच्च अदालतको आदेश
बैशाख १४, २०८१ शुक्रबार
भोलिदेखि नेपाल र वेस्ट इन्डिज ‘ए’बीच क्रिकेट प्रतियोगिता हुने
बैशाख १४, २०८१ शुक्रबार
पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
बैशाख १४, २०८१ शुक्रबार
बागलुङमा डढेलो निभाउने क्रममा जलेर एक जनाको मृत्यु, दुई घाइते
बैशाख १४, २०८१ शुक्रबार
अमेरिकी विदेशमन्त्री ब्लिन्कन र चिनियाँ राष्ट्रपति सीबीच भेटवार्ता
बैशाख १४, २०८१ शुक्रबार