के तपाईलाई एलपी ग्याँस चाहियो छ ? फोन गर्नुस ११४६ !

२१ चैत्र, काठमाडौं । के तपाईलाई एलपी ग्याँस चाहियो छ ? यदि चाहिएको छ भने नेपाल आयल निगमले तत्काल फोन गर्न आाग्रह गरेको छ । काेराेना भाइरस राेकथाम र नियन्त्रणकाे बेला देशमा लकडाउन जारी रहेका बेला सहज माध्यमबाट ग्यास लिनका लागी निगमले फोन गर्न आाग्रह गरेकाे हाे ।

निगमले ग्यास चाहिएका उपभोक्ताका लागी हटलाइन नम्बर ११४६ र टोलफ्री नम्बर १६६००११००२८ मा फोन गर्न आग्रह गरेको छ । साथै ग्यासका लागी अन्य नम्बरहरु ९८५१२७३४७९, ९८५१२७३४३१ र ९८५१२७३२६९ पनि उपभोक्ताले फोन गर्न सक्ने निगमले जनाएको छ ।

यता विभिन्न ग्याँस उद्योगहरुले शुक्रबार देशैभर ग्याँस वितरण गरेका छन् । निगमका अनुसार काठमाडौं उपत्यकासहित सबै जिल्लाहरुमा वितरण गरिने ग्याँसको विवरण सबै उद्योगले निगममा पठाएका छन् । आज काठमाडौं उपत्यकामा मात्रै ओम ग्याँसले २२ वटा डिपोमार्फत दुई हजार ४० सिलिण्डर ग्याँस वितरण गर्दै छन्।

यस्तै, नेपाल ग्याँस कम्पनीअन्तर्गतको नारायणीबाट चार हजार एकसय ४१ सिलिण्डर ग्याँस देशभर वितरण हुँदैछ । सोही कम्पनीको नेपाल ग्याँस पनि उपत्यकाका ६३ डिपोमार्फत् छ हजार चार सय ८० सिलिण्डर वितरण हुँदैछ ।

यस्तै, उपत्यकासहितका विभिन्न जिल्लाका छ वटा डिलरमार्फत् दुई हजार पाँच हजार ७९ सिलिण्डर एचपी ग्याँस पनि शुक्रबार वितरण हुने निगमले जनाएको छ ।