सार्वजनिक निकायहरुमा खरीद प्रक्रियाको म्याद थप गर्न महासंघको अपिल
Advertisement

२१ चैत्र, काठमाडौं । विश्वप्यापी महामारीको रुपमा रहेको कोराना भइरस (कोभिड १९) रोगका कारण हाल देशभर चैत्र २५ गतेसम्म नेपाल सरकार मन्त्रीपरिषद्को निर्णयानुसार भएको लकडाउनले गर्दा देश भित्र आवत जावत गर्न सबै श्रोत साधनहरु बन्द रहेको र अतिआवश्यक सेवा बाहेकका सबै खरीद प्रक्रियाहरुको म्याद एक महिना थप गर्ने निर्णय गरेको र सार्वजनिक खरीद अनुगमन कार्यालयको मितिः२०७६ चैत्र १७ गतेमा म्याद थपको लागि प्रकाशित सूचनालाई समेत वेवास्था गरि निर्माण कार्यका लागि केही सार्वजनिक निकायहरुले खरीद प्रक्रियाहरु जस्तैः बोलपत्र आब्हान, बोलपत्र खरीद र दाखिला गर्ने तथा कामको सम्झौता लगायतका कार्य कायम राखेको प्रति नेपाल निर्माण व्यवसायी महासंघले शुक्रबार एक अपिल जारी गरेको छ ।

निर्माण व्यवसायीहरु एक ठाउँबाट अर्को ठाउँसम्म आवतजावत गर्न नसकिने अवस्थामा बैंक ग्यारेण्टी लगायतका कागजात तयार गर्न नसकिने भएकोले निर्माण कार्यका सबै खरीद प्रक्रियाहरुमा भाग लिन सक्ने अवस्था नरहेकोले खरीद प्रक्रियामा स्वच्छ प्रतिस्पार्धा समेत हुन नसक्ने भन्दै सबै सार्वजनिक निकायहरुमा निर्माण कार्यको खरिद प्रक्रिया रोक्न महासंघले अनुरोध गरेको महासचिव रोशन दाहालले जानकारी गराएका छन् । यसरी लकडाउनको समयमा अतिआवश्यक सेवा बाहेकका खरीद प्रक्रियाको लागि आव्हान भएका देशभरका यस्ता सम्पूर्ण खरीद प्रक्रियाको म्याद लकडाउन हटेको न्युनतम १५ दिन पछि सम्म थप गरिदिने व्यवस्थाका लागि संघीय सरकार, प्रदेश सरकार र स्थानिय सरकार अन्तर्गतका सम्पूर्ण सार्वजनिक निकायहरुमा नेपाल निर्माण व्यवसायी महासंघ अनुरोध गरेको छ । सबै आफ्ना निर्माण व्यवसायी सदस्यहरूले लकडाउनलाई सहयोग हुनेगरि आ–आफ्नो तर्फबाट सम्बन्धित सार्वजनिक निकायहरूमा यसै अपिल अनुसार पहल गर्न समेत भनेको छ ।

Advertisement

प्रतिक्रिया दिनुहोस

कृपया तपाईंको प्रतिक्रिया दिनुहोस्!
कृपया यहाँ तपाईंको नाम प्रविष्ट गर्नुहोस्