कांग्रेस प्रवक्ता भन्छन, सरकार ! अझै साइत कुर्ने कि ब्यापक परिक्षणमा लाग्ने ?

२२ चैत्र, काठमाडौं । विश्वव्यापी महामारीको रुपमा रहेको कोरोना भाइरस नियन्त्रण तथा रोकथामको समयमा सरकारले लागु गरेको लकडाउनको बेला प्रमुख प्रतिपक्षी दल नेपाली कांग्रेसले ब्यापक परिक्षण थाल्न सरकारलाई अनुरोध गरेको छ।

दिनप्रति दिन नेपाल भित्रै रहेका नागरिकलाई कोरोना भाइरसको संक्रमण देखिएपछि कांग्रेसले भाइरसको नियन्त्रण तथा रोकथामका लागि सरकारलाई गम्भिर भएर लाग्न अनुरोध गरेको हो ।

शनिबार पार्टी प्रवक्ता विश्व प्रकाश शर्माद्धारा जारी विज्ञप्तीमा सरकारलाई पाँच बुँदे सुझाव दिइएको छ। उसले कोरोना भाइरस संक्रमितका परिवारजन, छरछिमेकी र घुलमिल भएका सबैको परिक्षण गर्न आग्रह गरेको छ।

प्रवक्ता विश्व शर्माले हजारौंको जीवन ‘आहुती´ पछि मात्रै ब्युंझने होइन भने… ढिलासुस्ती र अकर्मण्यतालाई आजको दिनमै आहुती देउ सरकार ! समेत भनेका छन ।