यो बर्ष कोरोनासँग लडौं, भ्रष्टाचार बर्ष अर्को साल मनाउँला !!!
नेपालबहस संवाददाता
चैत २६, २०७६ बुधबार २२:५५:५६
♦ यज्ञप्रसाद भट्टराई
२६ चैत्र, काठमाडाैं । अनायासै अपत्यारिलो तवरले सम्पुर्ण विश्वलाई नै एकछत्र राज गर्ने अभिप्रायका साथ टुप्लुक्क उदाएको कोरोना भाइरसले छिमेकी मुलुकमा कोकोहोलो मच्चाई सक्दा पनि हाम्रो देशमा पोखरामा पोजेटिभ भेटिएको बिरामी काठमाडौंमा आईपुग्दा नेगेटिभ हुनुलाई चै पक्कै पनि दैवी तथा ईश्वरिय शक्ति नै मान्नु पर्दछ ।
यसलाई नेपाली स्वास्थ्य क्षेत्रको आकाशमा देखिएको एक कालजयी उपलब्धि समेत मान्नु पर्छ । धन्य प्रभू ! यसैलाई भगवानको चमत्कार मानेर २३ चैत्रमा साँझमा दियो बाल्नु पर्छ । कोरोनालाई थाल ठटाएरै फाल्नु पर्छ । यो भन्दा बढी हामी नेपालीसँग अरु के नै पो गुण ‘अनुभव’ छ र ?
पशुपतिनाथमा राष्ट्रिय गान बजाउनेहरुको उ बेलाँ बेकार बिरोध गरिएछ । यसैको प्रतिफल हुनुपर्दछ, पोखराबाट काठमाडौं ल्याईएको बिरामीको स्वाव परिक्षणमा देखिएको सकारात्मकता । नत्र विश्व नै रोईरहेको बेलामा कोरोनोको उद्गमस्थल नै उत्तरतिरको सीमानामा परेको बेलामा अझ भारतमा पनि ब्यापक प्रकोपको लक्षण देखिईसकेको अवस्थामा हाम्रो देशमा कसरी यत्तिका दिनसम्म संक्रमितको विवरण सहि रुपमा र विश्वास गर्न योग्य अवस्थामा आउन सकिरहेको छैन ?
सरकारसँग अहिले पनि जनबरी देखि मार्चसम्मका कतिजना सरकारी कर्मचारी, नेपाल सरकारका मन्त्री, पार्टीका नेता, स्थानीय तथा प्रदेश सरकारका मन्त्री तथा सभासदहरू लगायत गाउँपालिका र नगरपालिका, जिल्ला समन्वय समिति लगायतका कति नागरिकहरुको त्रिभुवन अन्तराष्ट्रिय बिमानस्थलबाट ओहोर दोहोर भयो ? भन्ने विवरण छ ? छैन भने के को नागरिकलाई मात्रै लकडाउन, रोग डाउन र भोक डाउनका नाममा घरमा थुनेर राख्नु ?
देशमा कुनैपनि भाइरस अझ भनौ यो कोरोना आफै हुरुरुरु उडेर आउने चाँहि पक्कै पनि होईन । यो मानवबाट मानवमा संक्रमित हुँदै फैलने कुराको भने सामान्य रुपमा बैज्ञानिकहरुले पनि पुष्टि गरेको पाईन्छ । आम नागरिकहरुको साझा अवधारणा चाँहि नेपालमा कोरोनाका बिरामीहरु जनवरी २०२० भन्दा अगाडि देखि नै भित्रिएको आशंका गर्दछन् । चीनमा कोरोनाको बिगबिगी भएकै बेला नेपालका बिभिन्न मन्त्रीलगायत पार्टीका वरिष्ठ नेताहरु, सभासदहरु, स्थानीय जनप्रतिनिधिहरु सहितको सरकारी उच्च पदस्थ कर्मचारीहरुको लर्को चीनतिर हानिएको निजहरुकै फेसबुकमा पोष्ट्याईएका चीन यात्राका तस्बिरहरुले बताईरहेका थिए ।
त्यसो भए यो रोगको नाम सुन्दादेखि विश्वले यो रोगको नाम लिन नसकेर मुख र कान थुन्दासम्ममा हाम्रो मुलुकमा कति बिदेशी नेपाल आए ? कति नेपाली बिदेश जाँदै आउँदै गरे ? त्यसको तिनपुस्ते विवरण सरकारले मुलुकमा लकडाउन गर्नुभन्दा चौबिस घण्टा अगाडि नै सार्वजनिक गर्नुपथ्र्यो । आप्mनो आधिकारिक रुपमा पहिलो चरणमा मार्च महिनाभरीमा बिदेश गएका र बिदेशबाट आएका स्वदेशी तथा बिदेशीहरुको बिवरण वेभसाईटमा राखेर ती सबैलाई चौबिस घण्टामा समातेर तुरुन्त क्वारेन्टाईनमा राख्नु पर्दथ्यो । सरकारसँग अहिले पनि जनबरीदेखि मार्चसम्मका कतिजना सरकारी कर्मचारी, नेपाल सरकारका मन्त्री, पार्टीका नेता, स्थानीय तथा प्रदेश सरकारका मन्त्री तथा सभासदहरू लगायत गाउँपालिका र नगरपालिका, जिल्ला समन्वय समिति लगायतका कति नागरिकहरुको त्रिभुवन अन्तराष्ट्रिय बिमानस्थलबाट ओहोरदोहोर भयो ? भन्ने विवरण छ ? छैन भने के को नागरिकलाई मात्रै लकडाउन, रोग डाउन र भोक डाउनका नाममा घरमा थुनेर राख्नु ?
मेरो नेता, हाम्रो कार्यकर्ता वा हाम्रो दलको र सरकारको समर्थक कर्मचारीको नाम आउँदा अप्ठ्यारो पर्ला कि भनेर आफैले आफैलाई लुकाएर नबर्सौ ।
यो मुलुकमा नढाँटी र लाज नमानी भन्ने हो भने अत्यधिक रुपमा बिदेश भ्रमणमा गएका वा जाने गरेका भनेकै जननिर्वाचित प्रतिनिधिहरु र यिनीहरुसँग चोचोमोसो मिलाएर खान र विदेश जान पल्किएका राष्ट्रसेवक कर्मचारीहरु नै हुन । चाहे ती स्थानीय सरकारको नेतृत्वकर्ता या कर्मचारी हुन ? चाहे प्रदेश सरकारका नेतृत्वकर्ता या कर्मचारी हुन या केन्द्रिय सरकारका मन्त्री तथा कर्मचारी हुन ?
गणतन्त्रको स्थापना र संबिधानसभाको निर्वाचनपछि यो मुलुकमा बैदेशिक भ्रमणमा मात्र कति औं खरब सकियो ? यसको हिसाब अब सामान्य क्यालकुलेटरले गर्न सक्दैन । उपलब्धिबिहिन यस्ता भ्रमण खर्चहरुलाई एकत्रित गरेर देश निर्माणमा लगाउन सकेको भएपनि पूर्व मेचिदेखि पश्चिम महाकालीसम्म अर्को एउटा बिरेन्द्र राजमार्ग बनाउन सकिन्थ्यो । त्यतातिर ध्यान दिने कुनै समय नै रहेन । नेतालाई बिदेश हेर्ने रहर पुग्दै पुगेन । देशको बृहत्तर बिकासमा अझैपनि नेताको सोच फिर्दै फिरेन । खै र हाम्रै नेता हुन जाउँन, भेटेजति आफै सोहोरुन, थुपारुन । घरमा राम्ररी दुई छाकसम्म खान भनेको कहिल्यै नपाएका रहेछन् खाउन । नेपालीलाई सके जति ऋणै मात्रै लाउन । भोलि मरेपछि राम्रो काम गरेउ भनेर सिधै स्वर्ग जाउन । यसमा हामी नागरिकको तर्फबाट कहिल्यै हिसाबकिताब खोजिएको छैन र खोजिने पनि छैन । खोजेको दिन तिमीले तिर्न सक्ने पनि छैनौं ।
आम नागरिकलाई कोठामा नजरबन्द गरेपछि, सबै नेपाली कोठामा बसेपछि कोरोना भाइरस सर्दैन हामीलाई केही गर्दैन भनेर सरकारको भर परेपछि सरकारको निगरानीमै आउने गरेका त्यस्ता मालबाहक गाडीमा आउने सामाग्री र गाडी गुडाएर ल्याउने तथा माल लोड अनलोड गर्ने मजदुरहरुको स्वास्थ्य परिक्षण गर्ने, चौध दिनसम्म निजहरुलाई क्वारेन्टाईनमा राख्ने ब्यवस्था के कसरी मिलाईएको छ ?
तर जनवरी २०२० देखि आजसम्मको अवधिमा नेपालबाट बाहिरिने र नेपाल भित्रिनेहरुको विवरण आम नेपालीलाई चाहियो सरकार । तिम्रा मन्त्री छन् भने तिनीहरुलाई पनि निगरानीमा राखौ । हाम्रा बा छन् भने पनि निगरानीमा राखौं । रोगको चौतर्फी मारमा आम नागरिक नपर्दै, एक दुई हुंदै हजारौ नेपालीमा यो रोग नसर्दै, हाम्रा देशका बिदेशप्रेमी नेता तथा उच्च पदस्थ कर्मचारीहरुलाई तुरुत्न आधिकारिक विवरणसहित सरकारको प्रत्यक्ष सहभागितामा क्वारेन्टाईनमा राखेर रोग फैलनबाट रोक्ने साहस अब देशले लिनुपर्छ । मेरो नेता, हाम्रो कार्यकर्ता वा हाम्रो दलको र सरकारको समर्थक कर्मचारीको नाम आउँदा अप्ठ्यारो पर्ला कि भनेर आफैले आफैलाई लुकाएर नबर्सौ । म पनि यो ३ महिनाको बीचमा बिदेश गएको थिए म पनि स्वास्थ्य परिक्षण ईमान्दार भएर तुरुन्त गराउँदछु भनेर स्वतः स्फुर्त अगाडि आउँ । यसले अन्योल र त्रासमा रहेका तमाम नेपाली नागरिकलाई नैतिक साहस पनि हुनेछ ।
जति संख्यामा यो विवरण आउँछ, जसजसको नाम र गाँम आउँछ, जसजसको पद र प्रतिष्ठा आउँछ, सबैलाई एउटै क्वारेन्टाईनमा राख्ने ब्यवस्था मिलाऔं । अहिलेसम्म आएका विदेशी पर्यटकहरुले ल्याउन सकेको रोगको भयाभह स्थिति के छ ? कि नेपालमा आउने बित्तिकै कोरोनाको जिवाणु श्री पशुपतिनाथले नष्टै गरिदिन्छन् ? कि आर्यघाटले देख्ने बित्तिकै भष्म गरिदिन्छन् ? कि बाग्मतीले स्वात्तै बगाएर खत्तम गरिदिन्छिन् ? नत्र संसारकै कोरोना फ्रि मुलुक भन्दै डढेलोमा अष्ट्रेलिया, कोरोनामा चाईना, ईजिप्ट र ईटाली पुगेर सार्वजनिक सवारी साधनमा भिजिट नेपाल २०२० भन्दै ब्यानर लेखाउदैं हिडेर ल्याईएको या निम्त्याईएको अझ भनौ स्वयं निम्ता दिन गएका महामहिम कलाकारहरुको स्वास्थ्य परीक्षण गर्नै पर्दैन र ? किन यिनीहरुमा कोरोना भाइरस पोजेटिभ भेटिएमा अरु नेपालीलाई सर्दैन र ?
बिकास अर्को बर्ष गरौला । भ्रष्टाचार बर्ष पनि अर्कै साल मनाऔंला । श्रीमतिलाई जवाहरात र गहना पनि अर्कै बर्ष बनाउँला । यो बर्षको अन्त्य हुन अब तीन महिना मात्रै बाँकी छ । असारमा सिध्याउने पैसाले नागरिकको स्वास्थ्य परीक्षण गरौं सरकार ।
अहिले बजार, चोक र टोलटोलमा दुई जना मान्छे भेला भए पनि यहि कुराको चर्चा हुने गरेको छ । अहिले देशमा कोरोनाको संक्रमण छ भने यिनै देशी बिदेशी यात्रामा ओहोर दोहोर गरिरहने जनप्रतिनिधिहरु, प्रदेश तथा केन्द्र सरकारका सभासद तथा उच्च पदस्थ कर्मचारीहरुमा हुनुपर्दछ । मुलुकको अरबौ रुपैयाँ खर्च गरेर बिदेश शयर गर्न गएका वा पठाईएका वा आप्mनै हात जगन्नाथ गर्न पल्किएकाहरुबाट यदि उपलब्धि स्वरुपको प्रात हुने उपहारमा कोरोना भाईरसनै परेछ भने पनि त्यसलाई अन्यथा लिनु हुदैन । तर यसलाई अन्यत्र फैलन पनि दिनु हुँदैन । यसलाई क्वारेन्टाईनमा सिमित गर्न सकियो भने बाँकी नेपालीलाई यसको महामारीबाट बचाउन सकिन्छ यस कुरामा अब ढिलाई गर्नु हुदैन ।
अब सरकारले प्रत्येक जिल्लामा कोरोना भाइरस टेष्ट गर्ने ल्यावको ब्यवस्था गर्नु पर्दछ ।
सुन्नमा आउँदैछ भारतबाट गाडीका गाडी तरकारी र फलफुल नेपाल तिर आउँदैछ । तरकारी र फलफुल भित्र्याउने निहुँमा भारतबाट कतै कोरोनाका खतरनाक लडाकुहरु पनि ट्रकमै लोड भएर आउँदै त छैनन् ? आम नागरिकलाई कोठामा नजरबन्द गरेपछि, सबै नेपाली कोठामा बसेपछि कोरोना भाइरस सर्दैन हामीलाई केहि गर्दैन भनेर सरकारको भर परेपछि सरकारको निगरानीमै आउने गरेका त्यस्ता मालबाहक गाडीमा आउने सामाग्री र गाडी गुडाएर ल्याउने तथा माल लोड अनलोड गर्ने मजदुरहरुको स्वास्थ्य परिक्षण गर्ने, चौध दिनसम्म निजहरुलाई क्वारेन्टाईनमा राख्ने ब्यवस्था के कसरी मिलाईएको छ ? कि त्यसै हावाका तालमा यस्ता सामाग्रीहरुबाट ज्यानमारा जिवाणुहरु छिराईदै छ ? नागरिकलाई कोठामा थुनेर राखेपछि त्यसका साँढेले ल्याएको तरकारी र फलफुल किन्न को जाने ? अनायासै घर बाहिर निस्किएर मेयर सावको भाटाको खाने ?
त्यसैले, अब सरकारले प्रत्येक जिल्लामा कोरोना भाइरस टेष्ट गर्ने ल्यावको ब्यवस्था गर्नु पर्दछ । कम्तिमा एकपटक जिल्ला जिल्लामा होस या गाउँ गाउँमा होस या संभव भएसम्म टोलटोलमा होस आम नागरिकका बीचमा गएर कोही पनि नछुटने गरी स्वाव परीक्षण गर्ने ब्यवस्था मिलाऔं । बिकास अर्को बर्ष गरौला । भ्रष्टाचार बर्ष पनि अर्कै साल मनाऔंला । श्रीमतिलाई जवाहरात र गहना पनि अर्कै बर्ष बनाउँला । यो बर्षको अन्त्य हुन अब तीन महिना मात्रै बाँकी छ । असारमा सिध्याउने पैसाले नागरिकको स्वास्थ्य परीक्षण गरौं सरकार । सबै नेपाली सुरक्षित हुने अवस्था आयो भने, सबै नेपालीले कोरोना भाईरस नभएको निरोगिताका प्रमाणपत्र पायो भने, तमाम नेपालीले ढुक्क भएर बाँच्न पायो भने, आधा मुख खोलेर भए पनि ङिच्च गरेर हाँस्न पायो भने अहिलेलाई तमाम नेपालीले चाहेको नै यत्ति हो सरकार ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
जसपा केन्द्रीय कार्यकारिणी समितिको बैठक बस्दै
बैशाख १४, २०८१ शुक्रबार
आजको मौसमः यी चार प्रदेशमा पानी पर्ने
बैशाख १४, २०८१ शुक्रबार
यस्तो छ तपाइको आजको राशिफल
बैशाख १४, २०८१ शुक्रबार
कक्षा १२ को परीक्षा आजदेखि सुरु, तीन लाख ९० हजार आठ सय ४७ परीक्षार्थी सहभागी हुँदै
बैशाख १४, २०८१ शुक्रबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार
२७ करोड बढीको मुद्दामा विशेषले दियो सबैलाई सफाइ
बैशाख १३, २०८१ बिहिबार