चीनबाट स्वास्थ्य सामान ल्याउन सेनासँग २ अर्बको सम्झौता !

९ बैशाख काठमाडौं । चीनबाट स्वास्थ्य सामग्री खरिदका लागि नेपाली सेनाले २ अर्ब २५ करोड बढीको सम्झौता गरेको खुलेको छ । चीनबाट पीपीई, मास्क लगायतका स्वास्थ्य सामग्री ३ सय ४० टन ल्याइनेछ ।

२ अर्ब २५ करोड बढीको सम्झौता भएको नेपाली सेनाका प्रवक्ता विज्ञानदेव पाण्डेले बताए । ओम्नी विजनेश कर्पोरेसन इन्टरनेश्नलसँग भएको सम्झौता विवादमा आएपछि सरकारले १६ चैतमा स्वास्थ्य सामग्री खरिदको जिम्मा नेपाली सेनालाई दिएको थियो ।

सेनाले चीन, भारत, दक्षिण कोरिया, इजरायल र सिंगापुरलाई स्वास्थ्य उपकरण र औषधि विक्रीका लागि प्रस्ताव राखेको थियो ।