राहतमा कुहिएको चामल बाड्ने कलैयाका मेयर पक्राउ

९ बैशाख बारा । विपन्नलाई राहत वितरण गर्दा कुहिएको चामल बाड्ने बाराको कलैया उपमहानगरपालिकाका मेयर राजेश राय पक्राउ परेका छन । जिल्ला प्रहरी कार्यालय, बाराबाट खटिएको प्रहरी टोलीले मंगलबार दिउँसो कलैयाबाट मेयर रायलाई पक्राउ गरेको हो ।

मेयर रायले राहतका नाममा गुणस्तरहीन चामल, दाललगायतका उपभोग्य वस्तु वितरण गरेको उजुरी परेपछि उनलाई नियन्त्रणमा लिएको जिल्ला प्रहरी कार्यालयले जनाएको छ । मेयर रायलाई अहिले जिल्ला प्रहरी कार्यालय, कलैयामा राखिएको छ ।

कोरोना भाइरसका कारण लकडाउन लम्बिएपछि समस्यामा परेका विपन्न परिवारलाई मेयरले राहत बाडेका थिए । तर राहतका नाममा कुहिएको चामल बाडेपछि स्थानीयले प्रहरीलाई खबर गरेका थिए ।