उदयपुरमा अर्को एक जनामा कोरोना संक्रमण पुष्टि

९ बैशाख उदयपुर । उदयपुरमा थप एक जना पुरुषमा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । ३३ वर्षका पुरुषमा संक्रमण पुष्टि भएको र उपचार थालिएको पनि मन्त्रालयले जनाएको छ ।

यसअघि उदयपुरको त्रियुगा नगरपालिकाको एक मस्जिदमा बसेका १३ जनामा कोरोना संक्रमण पुष्टि भएको थियो । उनीहरुसँग सम्पर्क भएका व्यक्तिहरुको स्वाब संकलन गरेर काठमाडौं ल्याई परीक्षण गर्दा एक जनामा कोरोना संक्रमण पुष्टि भएको हो ।  यससँगै नेपालमा कोरोना संक्रमितको संख्या ३२ पुगेको छ । उदयपुरमा मात्रै संक्रमितको संख्या १४ पुगेको छ ।